2026-ലെ ബജറ്റിന് അംഗീകാരം നൽകി കാൽഗറി സിറ്റി കൗൺസിൽ. പുതിയ ബജറ്റ് അനുസരിച്ച് അടുത്ത വർഷം പ്രോപ്പർട്ടി ടാക്സ് 1.64% വർധിക്കും. അതേസമയം ആദ്യം നിർദ്ദേശിച്ചതിനേക്കാൾ കുറഞ്ഞ പ്രോപ്പർട്ടി ടാക്സ് വർധനയാണ് നിലവിൽ ഉണ്ടായിട്ടുള്ളത്. പ്രോപ്പർട്ടി ടാക്സ് വർധനയോടെ ഒരു വീടുടമയ്ക്ക് പ്രതിമാസം 4.50 ഡോളർ അധിക ചെലവ് വരും. ടാക്സ് വർദ്ധന കുറച്ചു നിർത്താനായി, നിക്ഷേപങ്ങളിൽ നിന്നുള്ള വരുമാനത്തിൽ നിന്നും 50 മില്യൺ ഡോളർ ഉപയോഗിക്കാൻ കൗൺസിൽ തീരുമാനിച്ചു.

ട്രാൻസിറ്റ് ഫെയറുകൾ അടുത്ത വർഷം വർധിക്കുമെങ്കിലും, കൂടുതൽ സർവീസ് നടത്താനും പുതിയ ബസുകൾക്കുമായി 76 മില്യൺ ഡോളർ അധികമായി കൗൺസിൽ അനുവദിച്ചു. കാൽനട യാത്രക്കാരുടെ സുരക്ഷ, അഗ്നിശമനസേനയുടെ ഉപകരണങ്ങൾക്കും ജീവനക്കാർക്കുമുള്ള ഫണ്ട്, പുതിയ സബ്ഡിവിഷൻ, പൊതു ശൗചാലയങ്ങൾ എന്നിവ പോലുള്ള ഒറ്റത്തവണ പദ്ധതികൾക്കും അധിക ഫണ്ട് അനുവദിച്ചു.