കാനഡയിലുടനീളം കുറഞ്ഞത് 37 സ്റ്റാർബക്സ് ശാഖകളെങ്കിലും ഈ ആഴ്ച അവസാനം പൂട്ടുന്നു. കഴിഞ്ഞ വർഷത്തെ കൂട്ടത്തോടെയുള്ള അടച്ചുപൂട്ടലിന്റെ വാർഷികത്തോടനുബന്ധിച്ച് നടക്കുന്ന രണ്ടാമത്തെ ഘട്ടമാണിത്. ഇതിൽ ടൊറന്റോയിലെ നാല് ശാഖകളും ഉൾപ്പെടുന്നു. വാങ്കൂവർ മുതൽ മിറാമിചി (ന്യൂബ്രൺസ്വിക്ക്) വരെയുള്ള പ്രദേശങ്ങളിലെ സ്റ്റോറുകളാണ് പൂട്ടുന്നത്. ഇതിൽ ഭൂരിഭാഗവും സെപ്റ്റംബർ 26 ശനിയാഴ്ചയോടെ പ്രവർത്തനം അവസാനിപ്പിക്കും.
ടൊറന്റോയിൽ പൂട്ടുന്നവയിൽ കമ്പനിയുടെ ഏറ്റവും പുതിയ രണ്ട് കഫേകളും ഏറ്റവും പഴയ ഒന്നിലധികം വർഷങ്ങൾ പ്രവർത്തിച്ച ഒരു ശാഖയും ഉൾപ്പെടുന്നു. കിംഗ് വെസ്റ്റിലെ പോർട്ട്ലാൻഡ് & അഡ്ലെയ്ഡ് ശാഖ തുറന്ന് 10 മാസം മാത്രേ ആയിരുന്നുള്ളൂ. ഫിനാൻഷ്യൽ ഡിസ്ട്രിക്റ്റിലെ 350 ബേ സ്ട്രീറ്റ് സ്റ്റോർ 15 മാസം പ്രവർത്തിച്ച ശേഷമാണ് വെള്ളിയാഴ്ച അടച്ചുപൂട്ടിയത്. ചർച്ച് & വെല്ലസ്ലിയിലെ സ്റ്റോർ 1999 മുതൽ ഈ മേഖലയിൽ പ്രവർത്തിച്ചുവരുന്ന ഒന്നാണ്.
വടക്കേ അമേരിക്കയിലുടനീളം 250 സ്റ്റോറുകൾ പൂട്ടുമെന്ന് സ്റ്റാർബക്സ് ഈ ആഴ്ച പ്രഖ്യാപിച്ചിരുന്നുവെങ്കിലും, കാനഡയിൽ എത്രയെണ്ണം പൂട്ടുമെന്നോ ഏതൊക്കെയാണെന്നോ വ്യക്തമാക്കയിട്ടില്ല. രാജ്യത്തുടനീളം പൂട്ടുന്ന ലൊക്കേഷനുകൾ കണ്ടെത്താൻ ‘6ix Retail’ സ്റ്റാർബക്സ് സ്റ്റോർ ലൊക്കേറ്റർ പരിശോധിക്കുകയും ടൊറന്റോയിലെ സ്റ്റോറുകൾ സന്ദർശിക്കുകയും ചെയ്തിട്ടുണ്ട്.
കണക്കുകളിലൂടെ:
- 250: വടക്കേ അമേരിക്കയിലുടനീളം സ്റ്റാർബക്സ് പൂട്ടുന്ന സ്റ്റോറുകൾ
- 37+: കാനഡയിൽ പൂട്ടുന്ന ശാഖകൾ
- 12: ഒന്റാറിയോയിൽ
- 10: ക്യുബെക്കിൽ
- 10: ബ്രിട്ടീഷ് കൊളംബിയയിൽ
- 4: അൽബർട്ടയിൽ
- 1: ന്യൂബ്രൺസ്വിക്കിൽ
- 4: ഈ ആഴ്ച പൂട്ടുന്ന ടൊറന്റോ സ്റ്റോറുകൾ
- 46: 2021 മുതൽ ടൊറന്റോയിൽ പൂട്ടിയ സ്റ്റാർബക്സ് ശാഖകൾ
- 300 മില്യൺ യു.എസ് ഡോളർ: ഈ ഘട്ടവുമായി ബന്ധപ്പെട്ട പുനഃസംഘടന ചെലവ്
ടൊറന്റോയിലെ നാല് സ്റ്റോറുകൾ, നാല് വ്യത്യസ്ത അനുഭവങ്ങൾ ടൊറന്റോയിലെ അടച്ചുപൂട്ടലുകൾ ഒരു പ്രത്യേക രീതിയിലല്ല നടക്കുന്നത്. കഴിഞ്ഞ 15 മാസത്തിനുള്ളിൽ തുറന്ന രണ്ട് സ്റ്റോറുകളും പതിറ്റാടുകളായി സേവനം നൽകിയ രണ്ട് സ്റ്റോറുകളുമാണ് പൂട്ടുന്നത്. വെള്ളിയാഴ്ച ഈ സ്റ്റോറുകളിലെല്ലാം “ദി സ്റ്റാർബക്സ് കോഫി കമ്പനി”യുടെ ഒരു കത്ത് പതിച്ചിട്ടുണ്ടായിരുന്നു. തങ്ങളുടെ യാത്രയുടെ ഭാഗമായതിന് ഉപഭോക്താക്കൾക്ക് നന്ദി അറിയിക്കുന്നതിനൊപ്പം, ഈ മാറ്റത്തിലൂടെ കടന്നുപോകുന്ന ജീവനക്കാരെ പിന്തുണയ്ക്കുമെന്നും കത്തിൽ പറയുന്നു.
പൂട്ടുന്ന പ്രധാന കാനഡ സ്റ്റോറുകൾ (ചില ഉദാഹരണങ്ങൾ):
- ടൊറന്റോ:
- 350 ബേ സ്ട്രീറ്റ് (സെപ്റ്റംബർ 25 വെള്ളിയാഴ്ച അടച്ചു)
- 485 ചർച്ച് അറ്റ് വെല്ലസ്ലി
- പോർട്ട്ലാൻഡ് & അഡ്ലെയ്ഡ് (123 പോർട്ട്ലാൻഡ് സെന്റ്)
- യോങ് & എർസ്കിൻ (2451 യോങ് സെന്റ്)
- മറ്റ് ഒന്റാറിയോ പ്രദേശങ്ങൾ: ഒട്ടാവ, ലണ്ടൻ, ഹാമിൽട്ടൺ, വിൻഡ്സർ, കോർൺവാൾ തുടങ്ങിയ സ്ഥലങ്ങളിലെ വിവിധ ശാഖകൾ.
- ക്യുബെക്: മോൺട്രിയൽ, സെന്റ്-ഹൂബർട്ട്, ബ്രോസ്സാർഡ് തുടങ്ങിയ സ്ഥലങ്ങൾ.
- ബ്രിട്ടീഷ് കൊളംബിയ: വാങ്കൂവർ,ബർണബി, കോക്വറ്റ്ലം, വിക്ടോറിയ, കിലോന തുടങ്ങിയ സ്ഥലങ്ങൾ.
- അൽബർട്ട: കാൽഗറി, എഡ്മണ്ടൻ, മെഡിസിൻ ഹാറ്റ്, ടേബർ.
- ന്യൂബ്രൺസ്വിക്ക്: മിറാമിചി.
സ്റ്റാർബക്സ് നൽകുന്ന വിശദീകരണം തങ്ങൾ പ്രതീക്ഷിക്കുന്ന സാമ്പത്തിക ഫലങ്ങൾ നൽകാത്തതോ അല്ലെങ്കിൽ ഉപഭോക്താക്കൾക്കും ജീവനക്കാർക്കും ആവശ്യമായ അനുഭവം നൽകാൻ കഴിയാത്തതോ ആയ സ്റ്റോറുകളാണ് പൂട്ടുന്നതെന്ന് ചീഫ് ഓപ്പറേറ്റിംഗ് ഓഫീസർ മൈക്ക് ഗ്രാംസ് ജീവനക്കാരോട് വ്യക്തമാക്കി. കാനഡ വിട്ട് പോകില്ലെന്നും വടക്കേ അമേരിക്കയിലെ സ്റ്റോറുകളുടെ എണ്ണം വർദ്ധിപ്പിക്കുന്നതിൽ പ്രതിജ്ഞാബദ്ധരാണെന്നും കമ്പനി അറിയിച്ചു. പൂട്ടുന്ന സ്റ്റോറുകളിലെ ജീവനക്കാർക്ക് സമീപത്തുള്ള മറ്റ് സ്റ്റോറുകളിലേക്ക് മാറ്റം നൽപുമെന്നും സാധ്യമാകാത്ത പക്ഷം നഷ്ടപരിഹാരം നൽകുമെന്നും സ്റ്റാർബക്സ് വ്യക്തമാക്കിയിട്ടുണ്ട്.
