പുൽക്കോർട്ടിലെ തീപാറുംപോരാട്ടത്തിൽ കിരീടം നിലനിർത്തി യാനിക് സിന്നർ. ഫ്രഞ്ച് ഓപ്പൺ ചാമ്പ്യൻ അലക്‌സാണ്ടർ സ്വരേവിനെ പരാജയപ്പെടുത്തിയാണ് വിംബിൾഡൺ പുരുഷ സിംഗിൾസ് കിരീടത്തിൽ വീണ്ടും സിന്നർ വീണ്ടും മുത്തമിട്ടത്. ആദ്യ സെറ്റ് നഷ്ടമായെങ്കിലും പിന്നീട് മൂന്ന് സെറ്റുകൾ സ്വന്തമാക്കിയാണ് സിന്നർ സ്വരേവിനെ കീഴടക്കിയത്. സ്കോർ – 6-7(7-9), 7-6(7-2), 6-3, 6-4.

ടൂർണമെൻ്റിലുടനീളം മികച്ച ഫോമിലായിരുന്ന സിന്നർ സെമിയിൽ സെർബിയൻ ഇതിഹാസം നൊവാക് ജോക്കോവിച്ചിനെ ഏകപക്ഷീയമായ പോരാട്ടത്തിൽ വീഴ്ത്തി. കിരീടം നിലനിർത്തിയതോടെ ഇറ്റാലിയൻ താരത്തിന്‍റെ ഗ്രാൻസ്ലാം നേട്ടം അഞ്ചായി. ഫ്രഞ്ച് ഓപ്പണിൽ ആദ്യ ഗ്രാൻസ്ലാം സ്വന്തമാക്കിയ സ്വരേവ് വിംബിൾഡണിലും ആ കുതിപ്പ് തുടരാമെന്ന് കണക്കുകൂട്ടിയെങ്കിലും നിരാശയോടെ മടങ്ങി.