കേരളത്തിന്‍റെ സമ്പന്നമായ പാരമ്പര്യവും സംസ്കാരവും ഒരുമയുടെ സന്ദേശവും ആഘോഷമാക്കുന്ന വേൾഡ് മലയാളി കൗൺസിൽ (WMC) ഒൻ്റാരിയോ പ്രൊവിൻസിന്‍റെ ഈ വർഷത്തെ ഓണാഘോഷം ഓഗസ്റ്റ് 30 ഞായറാഴ്ച അജാക്സിലെ Endless Fun, 400 Monarch Ave #14-ൽ നടക്കും. ഓണാഘോഷപരിപാടിയുടെ ഭാഗമായി പരമ്പരാഗത ഓണസദ്യ, വടംവലി, വിവിധ ഗെയിമുകളും വിനോദപരിപാടികളും, കുട്ടികൾക്കായുള്ള പ്രത്യേക വിനോദങ്ങൾ, സാംസ്കാരിക കലാപരിപാടികൾ എന്നിവ ഒരുക്കിയിട്ടുണ്ടെന്ന് സംഘാടകർ അറിയിച്ചു.

കേരളീയരുടെ ഐക്യവും സൗഹൃദവും പുതുതലമുറയിലേക്ക് പകർന്നുനൽകുക എന്ന ലക്ഷ്യത്തോടെയാണ് പരിപാടി സംഘടിപ്പിക്കുന്നത്. ഒൻ്റാരിയോയിലെ എല്ലാ മലയാളി കുടുംബങ്ങളെയും ഈ ആഘോഷത്തിൽ പങ്കുചേരാൻ വേൾഡ് മലയാളി കൗൺസിൽ ഒൻ്റാരിയോ പ്രൊവിൻസ് സ്വാഗതം ചെയ്തു.

• ടിക്കറ്റ് നിരക്ക് :
• മുതിർന്നവർ – 15 ഡോളർ
• കുട്ടികൾ (6–12 വയസ്സ്) – 12 ഡോളർ
• ഫാമിലി പാക്കേജ് (2 മുതിർന്നവർ + 2 കുട്ടികൾ) – 50 ഡോളർ

കൂടുതൽ വിവരങ്ങൾക്കും ടിക്കറ്റിനുമായി (647) 835-6896, (647) 616-7228, (437) 236-4210 എന്നീ നമ്പറുകളിൽ വിളിക്കുക.