മിഷിഗണിലെ ഡിയര്ബോണിലുള്ള ഫെയര്ലെയ്ന് ടൗണ് സെന്റര് ഷോപ്പിംഗ് മാളില്ഉണ്ടായ വെടിവെപ്പില് രണ്ട് പേര് കൊല്ലപ്പെട്ടു. ഒരാള്ക്ക് പരുക്കേറ്റു. പരസ്പരം പരിചയമുള്ള രണ്ട് വിഭാഗങ്ങള് തമ്മിലുണ്ടായ തര്ക്കമാണ് വെടിവെപ്പിന് കാരണമായതെന്ന് ഡിയര്ബോണ് പോലീസ് അറിയിച്ചു.
വെള്ളിയാഴ്ച ഉച്ചക്ക് ഒന്നരയോടെയാണ് വെടിവെപ്പ് നടന്നത്. സംഭവസ്ഥലത്ത് എത്തിയ പോലീസ് വെടിയേറ്റ നിലയിൽ മൂന്ന് പേരെ കണ്ടെത്തി. ഒരാള് സംഭവസ്ഥലത്തും മറ്റൊരാള് ആശുപത്രിയില് ചികിത്സയ്ക്കിടെയുമാണ് മരിച്ചത്. ആക്രമണത്തിനു നേതൃത്വം നല്കിയത് ഇരുപതു വയസോളം പ്രായമുള്ളവരാണെന്നും പോലീസ് വ്യക്തമാക്കി. നിലവില് ആരെയും കസ്റ്റഡിയിലെടുത്തിട്ടില്ല.
