അലർജി സാധ്യതയെ തുടർന്ന് കാനഡയിലുടനീളം വിറ്റഴിച്ച കെവിൻസ് നാച്ചുറൽ ഫുഡ്സിന്‍റെ ടർക്കി ഗ്രേവി പാക്കറ്റുകൾ തിരിച്ചു വിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി അറിയിച്ചു. ബ്രിട്ടിഷ് കൊളംബിയ, സസ്കാച്വാൻ, ആൽബർട്ട, മാനിറ്റോബ എന്നിവിടങ്ങളിൽ വിറ്റ ഈ ഉൽപ്പന്നത്തിൽ കടുക് അടങ്ങിയിട്ടുണ്ടെന്നും അത് ലേബലിൽ ഉൾപ്പെടുത്തിയിട്ടില്ലെന്നും ഫെഡറൽ ഏജൻസി റിപ്പോർട്ട് ചെയ്തു.
കടുക് അലർജിയുള്ളവർ ആരും കെവിൻസ് നാച്ചുറൽ ഫുഡ്സിന്‍റെ ടർക്കി ഗ്രേവി കഴിക്കരുതെന്നും അത് വിതരണം ചെയ്യുകയോ വിൽക്കുകയോ അരുതെന്നും ഏജൻസി നിർദ്ദേശിച്ചു. അതേസമയം ഈ ഉൽപ്പന്നവുമായി ബന്ധപ്പെട്ട് ഇതുവരെ പരാതികളൊന്നും ലഭിച്ചിട്ടില്ല.
