യുഎസിലേക്ക് ഇറക്കുമതി ചെയ്യുന്ന തടിയ്ക്ക് 10 ശതമാനവും കിച്ചൺ കാബിനറ്റുകൾ, ബാത്ത്റൂം വാനിറ്റികൾ, അപ്ഹോൾസ്റ്റേർഡ് ഫർണിച്ചറുകൾ എന്നിവയ്ക്ക് 25 ശതമാനവും തീരുവ പ്രഖ്യാപിച്ച് പ്രസിഡൻ്റ് ഡോണൾഡ് ട്രംപ്. താരിഫ് നിരക്കുകൾ ഒക്ടോബർ 14 മുതൽ പ്രാബല്യത്തിൽ വരുമെന്നും ട്രംപ് അറിയിച്ചു. എന്നാൽ, അമേരിക്കയുമായി കരാറിൽ എത്തിയ രാജ്യങ്ങളിൽ നിന്നും ഇറക്കുമതി ചെയ്യുന്ന അടുക്കള കാബിനറ്റുകൾക്കും വാനിറ്റികൾക്കുമുള്ള തീരുവ 30 ശതമാനമായും കരാറിൽ എത്താത്ത രാജ്യങ്ങൾക്കുള്ള തീരുവ 50 ശതമാനമായും 2026 ജനുവരി 1 മുതൽ വർധിക്കും. അതേസമയം നാളെ (ഒക്ടോബർ 1) മുതൽ ഫാർമസ്യൂട്ടിക്കൽ, ഹെവി ട്രക്ക് എന്നിവയുൾപ്പെടെ മൂന്ന് മേഖലകളിലെ ഇറക്കുമതിക്ക് പുതിയ തീരുവ പ്രാബല്യത്തിൽ വരും.
