എഡ്മിന്റൻ സെൻ്റ് ജേക്കബ്സ് സിറിയക് ഓർത്തഡോക്സ് ദേവാലയത്തിൽ ഇടവകയുടെ കാവൽ പിതാവായ മോർ യാക്കൂബ് ബുർദോനോയുടെ ഓർമ്മപ്പെരുന്നാളിന് തുടക്കമായി. ജൂലൈ 19 ഞായറാഴ്ച പ്രഭാത നമസ്കാരത്തിനും വിശുദ്ധ കുർബാനയ്ക്കും ശേഷം വികാരി ഫാ. തോമസ് പൂതിയോട്ട് പെരുന്നാൾ കൊടിയേറ്റം നിർവ്വഹിച്ചു. പെരുന്നാളിന്റെ പ്രധാന ശുശ്രൂഷകൾ ജൂലൈ 25, 26 തീയതികളിൽ നടക്കും.
പെരുന്നാളിനോടനുബന്ധിച്ച് ജൂലൈ 22 ബുധനാഴ്ച വൈകുന്നേരം പുതിയ ദേവാലയ നിർമ്മാണത്തിനായി ഏറ്റെടുത്ത പ്രോജക്റ്റ് ബെഥേൽ ഗ്രൗണ്ടിൽ സന്ധ്യാ നമസ്കാരം നടന്നു. ജൂലൈ 25 ശനിയാഴ്ച വൈകുന്നേരം 6:30-ന് സന്ധ്യാ നമസ്കാരവും, തുടർന്ന് സൺഡേ സ്കൂൾ വാർഷിക ആഘോഷ പരിപാടികളും നടക്കും. പ്രധാന പെരുന്നാൾ ദിനമായ ജൂലൈ 26 ഞായറാഴ്ച രാവിലെ 8:15-ന് പ്രഭാത നമസ്കാരവും 9:00 മണിക്ക് വിശുദ്ധ മൂന്നിന്മേൽ കുർബാനയും അർപ്പിക്കപ്പെടും. തുടർന്ന് ഭക്തിനിർഭരമായ പ്രതിക്ഷണവും, ആശീർവാദം, നേർച്ചവിരുന്ന് എന്നിവയോടെ പെരുന്നാൾ ചടങ്ങുകൾ സമാപിക്കും.
