ഡിട്രോയിറ്റ് മാർത്തോമ്മാ ഇടവകയിൽ സീനിയർ സിറ്റിസൺസ് ഡേ വിപുലമായ പരിപാടികളോടെ ആചരിച്ചു. സെപ്റ്റംബർ 20 ഞായറാഴ്ച ആരാധനാ ശുശ്രൂഷയ്ക്ക് ശേഷം പള്ളി അങ്കണത്തിൽ നടന്ന ചടങ്ങിൽ 70 വയസ്സിന് മുകളിലുള്ള 37 മുതിർന്ന അംഗങ്ങളെ ആദരിച്ചു.
ഇടവക വികാരി റവ. ജോബിൻ ജോസിന്‍റെ ആമുഖ പ്രാർത്ഥനയോടെയാണ് ചടങ്ങുകൾ ആരംഭിച്ചത്. ഇടവക സെക്രട്ടറി വിനോദ് തോമസ് സ്വാഗതം ആശംസിച്ചു. വികാരിയും, ട്രസ്റ്റികളായ തോമസ് ഏബ്രഹാം, ബോബൻ ജോർജ് എന്നിവരും ചേർന്ന് 37 ഇടവകാംഗങ്ങൾക്ക് പൊന്നാടയും ഉപഹാരവും നൽകി ആദരിച്ചു. റവ. പി. ചാക്കോയുടെ പ്രാർത്ഥനയോടും ആശീർവാദത്തോടും കൂടി അനുമോദന യോഗം സമാപിച്ചു. ചടങ്ങിന് ശേഷം പങ്കെടുത്ത എല്ലാവർക്കും സ്നേഹവിരുന്നും ഒരുക്കിയിരുന്നു.
