ഡെമോക്രാറ്റ് സ്ഥാനാർത്ഥി ജെയിംസ് തലാറിക്കോയും റിപ്പബ്ലിക്കൻ സ്ഥാനാർത്ഥി കെൻ പാക്സ്റ്റനും മത്സരിക്കുന്ന ഹാരിസ് കൗണ്ടിയിൽ റെക്കോർഡ് മുൻ‌കൂർ വോട്ടിങ്. തിരഞ്ഞെടുപ്പ് ദിനത്തിന് മുന്നേ ഇവിടെ 3,62,534 പേർ വോട്ട് രേഖപ്പെടുത്തിയതായി റിപ്പോർട്ടുകൾ സൂചിപ്പിക്കുന്നു. അതേസമയം ഡാലസ് കൗണ്ടിയിൽ ഏകദേശം 1,99,000 പേരും മുൻ‌കൂർ വോട്ടിങിൽ പങ്കെടുത്തിട്ടുണ്ട്.

നിലവിൽ ഡെമോക്രാറ്റുകളാണ് കൂടുതൽ മുൻകൂർ വോട്ടുകൾ രേഖപ്പെടുത്തിയിട്ടുള്ളതെങ്കിലും, ഇത് തിരഞ്ഞെടുപ്പ് ഫലത്തിന്‍റെ അന്തിമ സൂചനയായി കാണാനാകില്ലെന്ന് വിദഗ്ധർ പറയുന്നു. സ്വതന്ത്ര വോട്ടർമാരെ ലക്ഷ്യമിട്ടാണ് ഡെമോക്രാറ്റുകൾ നീങ്ങുന്നത്. അതേസമയം, വോട്ടർമാർ തിരഞ്ഞെടുപ്പ് ദിവസം വരെ കാത്തിരിക്കരുതെന്നും മുൻകൂർ വോട്ട് ചെയ്യണമെന്നും റിപ്പബ്ലിക്കൻ പാർട്ടിയും ശക്തമായ പ്രചാരണം നടത്തുണ്ട്. വോട്ടർമാരുടെ എണ്ണം വർധിച്ചതോടെ ഹാരിസ് കൗണ്ടിയിൽ 75 പോളിങ് കേന്ദ്രങ്ങളാണ് ഒരുക്കിയിരിക്കുന്നത്.