newsroom@amcainnews.com

നിയമസഭയിൽ സുരക്ഷാ ജാഗ്രത; സന്ദർശകർക്ക് കർശന നിയന്ത്രണം ഏർപ്പെടുത്താൻ നിർദ്ദേശം

Security Alert in Legislative Assembly; Directive Issued to Impose Strict Restrictions on Visitors

തിരുവനന്തപുരം: നിയമസഭാ സമ്മേളനം നടക്കുന്ന വേളകളിൽ സന്ദർശകരുടെ പ്രവേശനത്തിന് കർശന നിയന്ത്രണം ഏർപ്പെടുത്തുന്നത് ഗൗരവമായി പരിഗണിക്കണമെന്ന് സംസ്ഥാന സർക്കാർ സഭാ സെക്രട്ടേറിയറ്റിനോട് ആവശ്യപ്പെട്ടു. സുരക്ഷാ ഭീഷണിയുണ്ടെന്ന ഇന്റലിജൻസ് റിപ്പോർട്ടിന്റെ പശ്ചാത്തലത്തിലാണ് ഈ നീക്കം. സമ്മേളന ദിവസങ്ങളിൽ നിയന്ത്രണാതീതമായ ജനത്തിരക്കാണ് സഭാ മന്ദിരത്തിൽ അനുഭവപ്പെടുന്നതെന്ന് സുരക്ഷാ ചുമതലയുള്ള ചീഫ് മാർഷലും സ്പീക്കർക്ക് റിപ്പോർട്ട് സമർപ്പിച്ചിട്ടുണ്ട്.

യുഡിഎഫ് സർക്കാർ അധികാരത്തിൽ വന്നതിനുശേഷം നടന്ന രണ്ട് സമ്മേളനങ്ങളിലും സഭാസമുച്ചയത്തിൽ വൻ ജനത്തിരക്ക് ഉണ്ടായ സാഹചര്യത്തിലാണ് പുതിയ നിയന്ത്രണങ്ങൾ നിർദ്ദേശിക്കപ്പെട്ടത്. സംസ്ഥാനത്തെ പ്രമുഖ രാഷ്ട്രീയ നേതാക്കളെല്ലാം ഒരുമിച്ചെത്തുന്ന സഭയ്ക്കുള്ളിലേക്ക് കർശന പരിശോധനകൾക്കും നിയന്ത്രണങ്ങൾക്കും ശേഷമാണ് സാധാരണയായി ആളുകളെ കടത്തിവിടാറുള്ളത്. എന്നാൽ, കഴിഞ്ഞ രണ്ട് സെഷനുകളിലും ഇക്കാര്യത്തിൽ സുരക്ഷാ വീഴ്ചകളുണ്ടായതായി ഇന്റലിജൻസ് വിഭാഗം കണ്ടെത്തുകയും സർക്കാർ ഇക്കാര്യം സ്പീക്കറെ അറിയിക്കുകയും ചെയ്തു.

സുരക്ഷാ ചുമതലയുള്ള വാച്ച് ആൻഡ് വാർഡ് ഉദ്യോഗസ്ഥർക്ക് നിയന്ത്രിക്കാൻ സാധിക്കുന്നതിലും അപ്പുറമുള്ള ആളുകളാണ് സഭയിലെത്തുന്നതെന്ന് ചീഫ് മാർഷലിന്റെ റിപ്പോർട്ടിലും വ്യക്തമാക്കുന്നു. ഈ മാസം 30-ന് തുടങ്ങുന്ന പുതിയ നിയമസഭാ സമ്മേളനത്തിന് മുൻപായി സാഹചര്യം വിലയിരുത്തി ആവശ്യമായ സുരക്ഷാ നടപടികൾ സ്വീകരിക്കണമെന്നാണ് സ്പീക്കർക്ക് നൽകിയിരിക്കുന്ന നിർദ്ദേശം.

അനാവശ്യമായ നിയന്ത്രണങ്ങൾ അടിച്ചേൽപ്പിക്കേണ്ടതില്ലെങ്കിലും സുരക്ഷാ മുന്നറിയിപ്പുകൾ ഗൗരവമായി എടുക്കേണ്ടതുണ്ടെന്നാണ് സ്പീക്കർ തിരുവഞ്ചൂർ രാധാകൃഷ്ണന്റെ നിലപാട്. ഇതിന്റെ ഭാഗമായി സന്ദർശക പാസുകൾ വിതരണം ചെയ്യുന്നതിൽ പരിധി നിശ്ചയിക്കും. പരാതികളും നിവേദനങ്ങളുമായി എത്തുന്ന പൊതുജനങ്ങളോട് നിയമസഭയിലേക്ക് വരാൻ മന്ത്രിമാരും എംഎൽഎമാരും നിർദ്ദേശിക്കുന്ന പ്രവണത ഒഴിവാക്കണമെന്നും മുൻകാലങ്ങളിൽ യുഡിഎഫും എൽഡിഎഫും ഇത്തരം കാര്യങ്ങൾ പ്രോത്സാഹിപ്പിച്ചിരുന്നില്ലെന്നും സ്പീക്കർ അഭിപ്രായപ്പെട്ടു.

മന്ത്രിമാർക്ക് സെക്രട്ടേറിയറ്റിലെ ഓഫിസിലും എംഎൽഎമാർക്ക് നിയമസഭാ ഹോസ്റ്റലിലും നിവേദനങ്ങൾ കൈപ്പറ്റാൻ കഴിയും. പരമാവധി അങ്ങനെ ചെയ്യണമെന്ന് സ്പീക്കർ ആവശ്യപ്പെട്ടേക്കും. അടുത്ത സമ്മേളനത്തിനു മുൻപായി സ്ഥിതി അവലോകനം ചെയ്തു നിർദേശങ്ങൾ മുഖ്യമന്ത്രിക്കു കൈമാറാനാണ് ആലോചന.

You might also like

അമേരിക്കയിൽ വ്യോമഗതാഗതം സ്തംഭിച്ചു; രാജ്യവ്യാപകമായി വിമാന സർവീസുകൾ നിർത്തിവച്ചു

ഗ്രാൻഡ് കാന്യനിൽ ചെറുവിമാനം തകർന്ന് മൂന്ന് മരണം; വിമാനത്തിന്‍റെ അവശിഷ്ടങ്ങൾ കണ്ടെത്തി

ശൈത്യകാല കൊടുങ്കാറ്റ്: മഞ്ഞിൽ മൂടി ലെത്ത്ബ്രിഡ്ജ് സിറ്റി, കനത്ത വൈദ്യുതി തടസ്സം

US senators urge FAA to pause new router deployment pending testing

പുതിയ റൂട്ടറുകൾ സ്ഥാപിക്കുന്നത് നിർത്തിവെയ്ക്കാൻ എഫ്.എ.എയോട് (FAA) യു.എസ് സെനറ്റർമാർ ആവശ്യപ്പെട്ടു

U of T's plan to address discrimination against Muslims, Arabs, Palestinians 'insufficient'

മുസ്ലീങ്ങൾ, അറബികൾ, പലസ്തീനികൾ എന്നിവർക്കെതിരായ വിവേചനം പരിഹരിക്കാനുള്ള ടൊറന്റോ സർവകലാശാലയുടെ (U of T) പദ്ധതി ‘അപര്യാപ്തം’

Emirates Unveils 2 Major New North America Routes For 2027

2027-ലേക്ക് വടക്കേ അമേരിക്കയിലേക്ക് രണ്ട് പ്രധാന പുതിയ റൂട്ടുകൾ പ്രഖ്യാപിച്ച് എമിറേറ്റ്‌സ്

Top Picks for You
Top Picks for You