കാനഡ ഡേയിൽ ഉപയോക്താക്കൾക്ക് പ്രത്യേക വയർലെസ് പ്ലാൻ വാഗ്ദാനം ചെയ്ത് റോജേഴ്സ്. രാജ്യം 158-ാം വാർഷികം ആഘോഷിക്കുന്ന വേളയിൽ 158 ജിബി ഡാറ്റയുള്ള പ്രത്യേക വയർലെസ് പ്ലാൻ വാഗ്ദാനം ചെയ്യുന്നത്. 158 ജിബിയുടെ പ്രത്യേക പ്ലാൻ 2025 ജൂലൈ 3 വരെ ലഭ്യമാകും. റോജേഴ്സിന്റെ കാനഡ ഡേ ഓഫർ കമ്പനിയുടെ പതിവ് 100 ജിബി എസൻഷ്യൽ പ്ലാൻ മാത്രമാണ്. അതിൽ 58 ജിബി ബോണസ് ഡാറ്റയും ഉൾപ്പെടുന്നു. പ്രത്യേക പാക്കേജിന് ഓട്ടോപേ ഡിസ്കൗണ്ടും 5 ഡോളർ പ്രതിമാസ ഡിസ്കൗണ്ടും ഉൾപ്പെടെ പ്രതിമാസം 65 ഡോളർ ചെലവാകും.
158 ജിബി ഡാറ്റയ്ക്ക് പുറമേ, പ്ലാനിൽ 5ജി, 5ജി പ്ലസ് ഡാറ്റാ ആക്സസും 250 Mbsp വരെ വേഗതയും ഉൾപ്പെടുന്നു. തുടർന്ന് ഡാറ്റ അലോട്ട്മെന്റിനപ്പുറം 512Kbsp വരെ വേഗതയിൽ പരിധിയില്ലാത്ത ഉപയോഗവും ലഭിക്കും. കൂടാതെ, പ്ലാനിൽ അൺലിമിറ്റഡ് കാനഡ-വൈഡ് ടോക്ക് ആൻഡ് ടെക്സ്റ്റ്, 2,000 ഇന്റർനാഷണൽ ടെക്സ്റ്റുകൾ, കോൾ ആൻഡ് നെയിം ഡിസ്പ്ലേ, വോയ്സ്മെയിൽ, കോൾ വെയിറ്റിംഗ് ആൻഡ് ഫോർവേഡിംഗ്, ഗ്രൂപ്പ് കോളിംഗ് തുടങ്ങിയ മറ്റ് സ്റ്റാൻഡേർഡ് ഫീച്ചറുകളും ഉൾപ്പെടുന്നു.
