അമേരിക്കയിലെ ഇല്ലിനോയിയിലെ ഹിന്ദു ക്ഷേത്രത്തിന് നേരെ ഉണ്ടായേക്കാവുന്ന കൂട്ടക്കൊലപാതക പദ്ധതിയിൽ ഇന്ത്യ കടുത്ത ആശങ്ക രേഖപ്പെടുത്തി. അമേരിക്കയിലെ ഇന്ത്യൻ സമൂഹത്തിന് ശക്തമായ സുരക്ഷ ഉറപ്പാക്കണമെന്നും സമഗ്രമായ അന്വേഷണം നടത്തണമെന്നും വിദേശകാര്യ മന്ത്രാലയ വക്താവ് രൺധീർ ജയ്സ്വാൾ ആവശ്യപ്പെട്ടു.
ഇല്ലിനോയിയിലെ അറോറ മേഖലയിലെ ഹിന്ദു ക്ഷേത്രത്തെ ലക്ഷ്യമിട്ടുള്ള കൂട്ടക്കൊലപാതക പ്ലാൻ സംബന്ധിച്ച റിപ്പോർട്ടുകളിൽ കടുത്ത ആശങ്കയുണ്ടെന്ന് അദ്ദേഹം പറഞ്ഞു. ഇന്ത്യൻ വംശജർക്കെതിരായ അതിക്രമങ്ങൾ ഉൾപ്പെടെയുള്ള സംഭവത്തിന്റെ ഹിന്ദുവിരുദ്ധവും വംശീയവുമായ സ്വഭാവം അതീവ ആശങ്ക ഉളവാക്കുന്നതാണെന്നും അദ്ദേഹം വ്യക്തമാക്കി.
സംശയമുള്ളയാളെ അറസ്റ്റ് ചെയ്ത് തടങ്കലിൽ വെച്ചതും കുറ്റങ്ങൾ ചുമത്തിയതും ഉൾപ്പെടെ യുഎസ് നിയമവ്രാപക അധികാരികൾ സ്വീകരിച്ച നടപടികൾ ശ്രദ്ധയിൽപ്പെട്ടിട്ടുണ്ടെന്നും ജയ്സ്വാൾ കൂട്ടിച്ചേർത്തു.
