മിസിസാഗ: കാനഡയിലെ മിസിസാഗയിലുള്ള മലയാളി സമൂഹത്തിനായി സർഗം കലാവേദി സംഘടിപ്പിക്കുന്ന ‘ഓണരവം 2026’ ഓണാഘോഷം ഓഗസ്റ്റ് 29-ന് നടക്കും. മിസിസാഗ റോഡിലുള്ള ഹിന്ദു ഹെറിറ്റേജ് സെന്ററിലാണ് (Hindu Heritage Centre) ആഘോഷ പരിപാടികൾ ക്രമീകരിച്ചിരിക്കുന്നത്.

വൈകിട്ട് 3 മണി മുതൽ രാത്രി 9 മണി വരെ നടക്കുന്ന ചടങ്ങിൽ കേരളത്തിന്റെ തനത് കലാ-സാംസ്കാരിക പരിപാടികളും വിപുലമായ ഗ്രാൻഡ് ഓണസദ്യയും ഉണ്ടായിരിക്കും.

പരിപാടി 2026 ഓഗസ്റ്റ് 29 ശനിയാഴ്ച വൈകിട്ട് 3:00 PM മുതൽ 9:00 PM വരെ മിസിസാഗയിലുള്ള ഹിന്ദു ഹെറിറ്റേജ് സെന്ററിൽ (Hindu Heritage Centre, 6300 Mississauga Rd, Mississauga, ON L5N 1A7) വെച്ചാണ് നടക്കുന്നത്.പരിപാടിയിലേക്കുള്ള പ്രവേശന ഫീസ് 25 കനേഡിയൻ ഡോളറാണ് (ബാധകമായ അധിക ഫീസുകൾ പുറമെ). പരിപാടിയുടെ ഔദ്യോഗിക ടിക്കറ്റിംഗ് പങ്കാളിയായി kilkood.ca പ്രവർത്തിക്കുന്നു.

പ്രവാസലോകത്തെ മലയാളി സമൂഹത്തെ ഒരുമിപ്പിച്ചു നിർത്തി, കേരളത്തിന്റെ പാരമ്പര്യവും സംസ്‌കാരവും വരുംതലമുറയ്ക്കായി നെഞ്ചിലേറ്റുന്ന കാനഡയിലെ പ്രമുഖ ഓണാഘോഷങ്ങളിലൊന്നായി ‘ഓണരവം 2026’ മാറുമെന്ന് സംഘാടകർ പ്രത്യാശ പ്രകടിപ്പിച്ചു.