മാര്‍ത്തോമ്മ സഭയുടെ നോര്‍ത്ത് അമേരിക്ക ഭദ്രാസന സന്നദ്ധ സുവിശേഷക സംഘത്തിന്‍റെ നേതൃത്വത്തില്‍ രണ്ട് വര്‍ഷത്തിലൊരിക്കല്‍ നടക്കുന്ന 18-മത് നാഷണല്‍ കോണ്‍ഫറന്‍സ് ഓഗസ്റ്റ് 20 മുതല്‍ 23 വരെ ഡാലസിൽ നടക്കും. ഡാലസ് ഫാര്‍മേഴ്‌സ് ബ്രാഞ്ച് ദേവാലയത്തില്‍ നടക്കുന്ന നാഷണല്‍ കോണ്‍ഫറന്‍സ് ദ്രാസനാധ്യക്ഷന്‍ ബിഷപ്പ് ഡോ.എബ്രഹാം മാര്‍ പൗലോസ് ഉദ്ഘാടനം നിര്‍വഹിക്കും. റവ. ഡോ. മോത്തി വര്‍ക്കി, കണ്‍വെന്‍ഷന്‍ പ്രഭാഷകന്‍ ഡോ. വിനോ ജോണ്‍ ഡാനിയേല്‍, റവ. ജോസി ജോസഫ്, റവ. ആശിഷ് തോമസ് എന്നിവര്‍ കോണ്‍ഫറന്‍സിന് നേതൃത്വം നല്‍കും.
റവ. എബ്രഹാം വി. സാംസണ്‍ (പ്രസിഡൻ്റ്), ഷാജി എസ്.രാമപുരം (ജനറല്‍ കണ്‍വീനര്‍), ഫിലിപ്പ് മാത്യു (കോ. കണ്‍വീനര്‍), ഡോ. സിജി ടോം ഫിലിപ്പ് (ട്രഷറര്‍), സുമ എബ്രഹാം (അക്കൗണ്ടൻ്റ്) എന്നിവരുടെ നേതൃത്വത്തില്‍ വിപുലമായ വിവിധ കമ്മറ്റികള്‍ കോണ്‍ഫറന്‍സിന്‍റെ വിജയത്തിനായി പ്രവര്‍ത്തിക്കുന്നു. കോണ്‍ഫറന്‍സിന്‍റെ രജിസ്‌ട്രേഷന്‍ ഇതിനോടകം ക്ലോസ് ചെയ്തതായി സംഘാടകര്‍ അറിയിച്ചു.
