മൂന്നു പതിറ്റാണ്ടിലധികമായി ലോങ്ങ് ഐലൻഡ് കേന്ദ്രീകരിച്ച് പ്രവർത്തിക്കുന്ന പ്രവാസി മലയാളികളുടെ സംഘടനയായ ലോങ്ങ് ഐലൻഡ് മലയാളി കൾച്ചറൽ അസ്സോസിയേഷന്‍റെ (ലിംകാ – LIMCA) ഓണാഘോഷം സെപ്റ്റംബർ അഞ്ചിന് നടക്കും. രാവിലെ പതിനൊന്നര മുതൽ മെറിക്കിലുള്ള ലോങ്ങ് ഐലൻഡ് മാർത്തോമ്മ പള്ളി ഓഡിറ്റോറിയത്തിലാണ് (2350 Merrick Avenue, Merrick, NY 11566) ഓണാഘോഷം സംഘടിപ്പിക്കുന്നത്. കേരളത്തനിമയോടെ മലയാളീ പൈതൃകം നിലനിർത്തി പാരമ്പരാഗത രീതിയിലുള്ള 28 കൂട്ടം വിഭവങ്ങളോടെയുള്ള ഓണ സദ്യയും, അത്തപ്പൂക്കളവും, ചെണ്ടമേളവും, തിരുവാതിരയും, ഓണസന്ദേശവും, കലാപരിപാടികളോടും കൂടി അതിവിപുലമായാണ് ഓണം ആഘോഷിക്കുന്നതെന്ന് ലിംകാ പ്രസിഡൻ്റ് ലാലി കളപ്പുരക്കൽ അറിയിച്ചു.

ഓണാഘോഷങ്ങളുടെ വിജയത്തിനായി സെക്രട്ടറി തോമസ് ടി. ഉമ്മൻ, ട്രഷറർ ജയചന്ദ്രൻ രാമകൃഷ്ണൻ, വൈസ് പ്രസിഡൻ്റ് ജോസ് തോമസ്, ജോയിൻ്റ് സെക്രട്ടറി ജെസ്സി കാനാട്ട്, ജോയിൻ്റ് ട്രഷറർ ചെറിയാൻ പാലത്തറ എന്നിവരും, കമ്മറ്റി അംഗങ്ങളായ ബോബൻ തോട്ടം, ഈപ്പൻ കോട്ടുപള്ളി, പോൾ കൂള, ജെയിംസ് മാത്യു, ബേബി ഊരാളിൽ, ജോജോ തോമസ്, ജോസുകുട്ടി ജോസഫ്, തങ്കമ്മ ജോസഫ്, അജു ഉമ്മൻ, സിജു പുതുശ്ശേരി എന്നിവരും പ്രവർത്തിക്കുന്നു. കൂടുതൽ വിവരങ്ങൾക്ക് ബന്ധപ്പെടുക : പ്രസിഡൻ്റ് ലാലി കളപ്പുര – (516) 232-4819, സെക്രട്ടറി തോമസ് ടി. ഉമ്മൻ – (631) 796-0064, ട്രഷറർ ജയചന്ദ്രൻ രാമകൃഷ്ണൻ – (631) 455-0323, വൈസ് പ്രസിഡൻ്റ് ജോസ് തോമസ് – (631) 241-5285, ജോയിൻ്റ് സെക്രട്ടറി ജെസ്സി കാനാട്ട് – (516) 727-6815, ജോയിൻ്റ് ട്രഷറർ ചെറിയാൻ പാലത്തറ – (516) 695-8737.