ചെറുപുഷ്പ മിഷന് ലീഗ് ക്നാനായ റീജിയണല് കമ്മിറ്റി അമേരിക്കയിലെ കുട്ടികള്ക്കായി സംഘടിപ്പിച്ച നടവിളി മത്സരത്തില് ഫ്ലോറിഡയിലെ ഒർലാൻഡോ സെൻ്റ് സ്റ്റീഫന്സ് ക്നാനായ കത്തോലിക്കാ ഇടവക ഒന്നാം സ്ഥാനം നേടി. കാലിഫോര്ണിയയിലെ സാന് ഹൊസെ സെൻ്റ് മേരീസ് ക്നാനായ കത്തോലിക്കാ ഫൊറോനാ ഇടവക രണ്ടാം സ്ഥാനവും ടെക്സസിലെ ഡാലസ് ക്രൈസ്റ്റ് ദി കിംഗ് ക്നാനായ കത്തോലിക്കാ ഇടവക മൂന്നാം സ്ഥാനവും നേടി. കാലിഫോര്ണിയയിലെ സാക്രമെന്റോ സെൻ്റ് ജോണ് പോള് സെക്കൻ്റ് ക്നാനായ കത്തോലിക്കാ മിഷനും ഡാലസ് ക്രൈസ്റ്റ് ദി കിംഗ് ക്നാനായ കത്തോലിക്കാ ഇടവകയും ജനകീയ വിഡിയോക്കുള്ള സമ്മാനം നേടി.
ക്നാനായ റീജിയണല് ഡയറക്ടറും വികാരി ജനറാലുമായ ഫാ. തോമസ് മുളവനാല് വിജയികളെ അഭിനന്ദിച്ചു. മിഷന് ലീഗ് റീജിയണല് ഡയറക്ടര് ഫാ. ബിന്സ് ചേത്തലില്, ജനറല് ഓര്ഗനൈസര് സിജോയ് പറപ്പള്ളില് എന്നിവരുടെ നേതൃത്വത്തിലുള്ള സി.എം.എല്. റീജിയണല് കമ്മിറ്റിയാണ് മത്സരങ്ങള് ക്രമീകരിച്ചത്.
