പുതിയ ലീഡറെ തിരഞ്ഞെടുക്കുന്നതിനുള്ള നേതൃത്വമത്സരം നവംബറിൽ നടക്കുമെന്ന് ഗ്രീൻ പാർട്ടി പ്രഖ്യാപിച്ചു. അതേസമയം മുൻ എംപിയും ദീർഘകാല പാർട്ടി പ്രവർത്തകനുമായ മൈക്ക് മോറിസ് നേതൃത്വത്തിലേക്ക് മത്സരിക്കുമെന്ന് അറിയിച്ചു. കൂടാതെ ഗ്രീൻ പാർട്ടിയുടെ മുൻനിര പ്രചാരകയും സംഘാടകയുമായ നീര ഡൂക്കേരനും പാർട്ടിയുടെ ഉന്നത സ്ഥാനത്തേക്ക് മത്സരിക്കുന്നു.
നിലവിൽ പുതിയ പാർട്ടി അംഗങ്ങളെ റിക്രൂട്ട് ചെയ്യുകയും മത്സരത്തിനാവശ്യമായ ഫണ്ട് ശേഖരിക്കുകയുമാണ് ഇരുസ്ഥാനാർത്ഥികളും. സെപ്റ്റംബർ അവസാനത്തോടെ, ഇരുവരും കുറഞ്ഞത് 50 യുവ അംഗങ്ങൾ ഉൾപ്പെടെ 200 പുതിയ അംഗങ്ങളെയെങ്കിലും റിക്രൂട്ട് ചെയ്യണം. കൂടാതെ 15,000 കനേഡിയൻ ഡോളർ സ്വരൂപിക്കുകയും വേണം. ഒക്ടോബർ 14 വരെ പുതിയ അംഗങ്ങളെ പാർട്ടിയിൽ ചേർക്കാൻ സമയമുണ്ട്. തുടർന്ന് നവംബർ 2 മുതൽ 13 വരെ വോട്ടെടുപ്പ് നടക്കും. വിജയിയെ നവംബർ 14 ന് പ്രഖ്യാപിക്കും.
