യെല്ലോ നൈഫ് : കാനഡയിൽ സ്ഥിരതാമസമാക്കാൻ ഒരുങ്ങുന്ന വിദേശികൾക്ക് അവസരമൊരുക്കി നോർത്ത് വെസ്റ്റ് ടെറിറ്ററീസ് നോമിനി പ്രോഗ്രാമിന് (NTNP) ഇമിഗ്രേഷൻ ക്വാട്ട ഫെഡറൽ സർക്കാർ വർധിപ്പിച്ചു. 50 വിദേശ തൊഴിലാളികളെക്കൂടി സ്ഥിരതാമസത്തിനായി നാമനിർദ്ദേശം ചെയ്യാൻ അനുമതി ലഭിച്ചതോടെ, NTNP-യുടെ വാർഷിക കുടിയേറ്റ ക്വാട്ട 350 ആയി ഉയർന്നു. തുടക്കത്തിൽ 197 നോമിനേഷനുകൾ ആയിരുന്നു ഫെഡറൽ സർക്കാർ 2026-ൽ അനുവദിച്ചിരുന്നത്. പിന്നീട് ഓഗസ്റ്റിൽ 103 സീറ്റുകൾ കൂടി ഫെഡറൽ സർക്കാർ അനുവദിച്ചു. ഇപ്പോൾ ഇപ്പോൾ 50 സീറ്റുകൾ കൂടി ലഭിച്ചതോടെ 2025-ലെ ആകെ ക്വാട്ട 350 ആയി.
ഇതോടെ NTNP (Northwest Territories Nominee Program) തങ്ങളുടെ ‘എംപ്ലോയർ-ഡ്രിവൻ സ്ട്രീമിന്’ (EDS) കീഴിൽ നവംബർ 18-ന് ഒരു അധിക ‘എക്സ്പ്രഷൻ ഓഫ് ഇൻട്രസ്റ്റ്’ (EOI) ഡ്രോ നടത്തുമെന്നും നോർത്ത് വെസ്റ്റ് ടെറിറ്ററീസ് ഇമിഗ്രേഷൻ വകുപ്പ് അറിയിച്ചു. NTNP-യുടെ ഈ നറുക്കെടുപ്പിൽ പരിഗണിക്കുന്നതിനായി, വിദേശ പൗരന്മാർ നവംബർ 17-ന് നോർത്ത് വെസ്റ്റ് ടെറിറ്ററീസ് സമയം രാത്രി 11:59-ന് മുൻപായി തങ്ങളുടെ EOI പ്രൊഫൈലുകൾ സമർപ്പിക്കണം.
