പ്രവിശ്യാ സർക്കാരുമായുള്ള കരാർ ചർച്ച പരാജയപ്പെട്ടതോടെ സമരം കൂടുതൽ ശക്തമാക്കി ബ്രിട്ടിഷ് കൊളംബിയയിലെ 34,000 പൊതുമേഖലാ ജീവനക്കാരെ പ്രതിനിധീകരിക്കുന്ന യൂണിയൻ. റാലി അടക്കമുള്ള പരിപാടികൾ ആസൂത്രണം ചെയ്തിട്ടുണ്ടെന്ന് ബിസി ജനറൽ എംപ്ലോയീസ് യൂണിയൻ പ്രസ്താവനയിൽ അറിയിച്ചു. വൻകൂവറിൽ നടന്ന റാലിയിൽ മറ്റ് യൂണിയനുകളിലെ അംഗങ്ങൾ അടക്കം പങ്കെടുത്തതായി യൂണിയൻ പ്രസിഡൻ്റ് പോൾ ഫിഞ്ച് പറഞ്ഞു. വൻകൂവർ ആർട്ട് ഗാലറിയിൽ നിന്ന് ആരംഭിച്ച് കൺവെൻഷൻ സെന്ററിന് സമീപം അവസാനിച്ച മാർച്ചിലും റാലിയിലും പണിമുടക്കുന്ന ആയിരക്കണക്കിന് തൊഴിലാളികൾ പങ്കെടുത്തു.
