ഡമാസ്കസ്: മധ്യ-കിഴക്കൻ സിറിയയിൽ രണ്ടു ബസുകൾ തമ്മിൽ കൂട്ടിയിടിച്ച് ഉണ്ടായ ദാരുണമായ അപകടത്തിൽ കുറഞ്ഞത് 35 പേർ കൊല്ലപ്പെട്ടതായി സിറിയൻ സ്റ്റേറ്റ് മീഡിയ റിപ്പോർട്ട് ചെയ്തു.
ഡമാസ്കസ്-ദെയർ എസ്സോർ റോഡിൽ സുഖ്നയ്ക്കും പൽമിറയ്ക്കും ഇടയിലാണ് അപകടമുണ്ടായത്. ബസുകൾ കൂട്ടിയിടിച്ച് 35 പേർ മരിക്കുകയും 27 ഓളം പേർക്ക് പരിക്കേൽക്കുകയും ചെയ്തതായി സ്റ്റേറ്റ് ടെലിവിഷൻ പ്രാഥമിക വിവരങ്ങളുടെ അടിസ്ഥാനത്തിൽ റിപ്പോർട്ട് ചെയ്തു. ആഭ്യന്തര സുരക്ഷാ സേനാംഗങ്ങൾ സഞ്ചരിച്ചിരുന്ന ബസും സാധാരണക്കാരായ യാത്രക്കാരുടെ ബസുമാണ് അപകടത്തിൽപ്പെട്ടതെന്ന് സിറിയൻ ആഭ്യന്തര മന്ത്രാലയം അറിയിച്ചു.
