കാൽഗറി: കാൽഗറിയുടെ പടിഞ്ഞാറ് ഭാഗത്തുള്ള മൗണ്ടെയ്ൻ പാർക്കുകളിൽ കരടിയുടെ ആക്രമണമുണ്ടാകാൻ സാധ്യതയുണ്ടെന്ന റിപ്പോർട്ടിനെ തുടർന്ന് മുന്നറിയിപ്പ് നൽകി ആൽബെർട്ട പാർക്ക്സ്. കനനാസ്കിസ് കൺട്രിയിലെയും ബോ വാലിയിലെയും എല്ലാ പ്രവിശ്യാ പാർക്കുകൾക്കും സംരക്ഷിത പ്രദേശങ്ങൾക്കും മുന്നറിയിപ്പ് ബാധകമാണെന്ന് ആൽബെർട്ട പാർക്ക്സ് സോഷ്യൽ മീഡിയയിൽ പോസ്റ്റ് ചെയ്ത നോട്ടീസിൽ പറയുന്നു.
ഇവിടങ്ങളിൽ കരടികളുടെ ഇഷ്ട ഭക്ഷണമായ ബഫല്ലോ ബെറികൾ കൂടുതലുണ്ടാകുന്നതിനാൽ ഈ ഏരിയകളിൽ കരടിയുടെ സാന്നിധ്യം കൂടുതലായി ഉണ്ടാകുമെന്ന് അധികൃതർ വ്യക്തമാക്കി. ബ്ലാങ്കറ്റ് വാണിംഗിന് പുറമെ കനനാസ്ക്സിലെയും ബോ വാലിയിലെയും പ്രദേശങ്ങളിൽ നിലവിൽ 17 ഓളം അടച്ചുപൂട്ടലുകളും മുന്നറിയിപ്പുകളും നൽകിയിട്ടുണ്ട്. ഇത് ആൽബെർട്ട പാർക്ക്സ് വെബ്സൈറ്റിൽ പോസ്റ്റ് ചെയ്തിട്ടുണ്ട്. കരടിയെ കണ്ടാൽ ചെയ്യേണ്ട ചില നിർദ്ദേശങ്ങളും ആൽബെർട്ട പാർക്ക്സ് നൽകിയിട്ടുണ്ട്.
