ന്യൂഡല്ഹി : ഇന്ത്യ-പാക്കിസ്ഥാന് വെടിനിര്ത്തലിന് ധാരണയായതായി വിദേശകാര്യ സെക്രട്ടറി വിക്രം മിശ്രി. ഇന്ന് വൈകിട്ട് 5 മണിയോടെ ഇരു രാജ്യങ്ങളും കര-വ്യോമ-സമുദ്ര മാര്ഗമുള്ള എല്ലാ ആക്രമണങ്ങളും അവസാനിപ്പിച്ചതായി വിക്രം മിശ്രി വാര്ത്താ സമ്മേളനത്തില് അറിയിച്ചു. ഇരു രാജ്യങ്ങളിലെയും മിലിട്ടറി ഓപ്പറേഷന് ഉദ്യോഗസ്ഥര് മേയ് 12-ന് ഉച്ചക്ക് പന്ത്രണ്ടിന് വീണ്ടും ചര്ച്ച നടത്തുമെന്നും വിക്രം മിശ്രി വാര്ത്താസമ്മേളനത്തില് അറിയിച്ചു.
വെടിനിര്ത്തല് ആരംഭിച്ചതായി പാക്കിസ്ഥാന് ഉപപ്രധാനമന്ത്രി ഇഷാക് ധറും പ്രഖ്യാപിച്ചു. സംഘര്ഷ സാഹചര്യം ലഘൂകരിച്ചെന്ന് അവകാശപ്പെട്ട് യുഎസ് പ്രസിഡന്റ് ഡോണള്ഡ് ട്രംപ് സമൂഹമാധ്യമങ്ങളില് പോസ്റ്റ് ചെയ്തതിനു പിന്നാലെയാണ് ഇരു രാജ്യങ്ങളുടെയും പ്രഖ്യാപനം
