ക്രൈസ്റ്റ് ദി കിംഗ് ക്നാനായ കത്തോലിക്കാ ഇടവകയുടെ മെന്സ് മിനിസ്ട്രിയുടെ നേതൃത്വത്തില് ലോകകപ്പ് ആവേശത്തില് ഫുട്ബോള് മാമാങ്കം സംഘടിപ്പിക്കുന്നു. ജൂലൈ 12 ഞായറാഴ്ച രാവിലെ 9.30-ന് നടക്കുന്ന വിശുദ്ധ കുര്ബാനയ്ക്കുശേഷം 11.30 മുതല് ഫ്രിസ്കോയിലെ സിയല്ലി സോക്കര് ഫാക്ടറി ഇന്ഡോര് സ്റ്റേഡിയത്തില് മത്സരങ്ങള് ആരംഭിക്കും.
കുട്ടികള് മുതല് മുതിര്ന്നവര് വരെ വിവിധ വിഭാഗങ്ങള്ക്കായി സൗഹൃദ മത്സരങ്ങള് ക്രമീകരിച്ചിട്ടുണ്ട്. ഇടവകയിലെ എല്ലാ കുടുംബങ്ങളെയും പരിപാടിയില് പങ്കെടുക്കണമെന്ന് മെന്സ് മിനിസ്ട്രി ഭാരവാഹികള് അഭ്യർത്ഥിച്ചു. അമേരിക്കയില് നടക്കുന്ന ലോകകപ്പ് ഫുട്ബോൾ ടൂർണമെൻ്റ് ഇടവകയുടെ സൗഹൃദത്തിന്റെയും കൂട്ടായ്മയുടെയും ഉത്സവമാക്കുക എന്ന ലക്ഷ്യത്തോടെയാണ് മെന്സ് മിസ്ട്രി മത്സരം സംഘടിപ്പിക്കുന്നത്.
