ഇൻ്റർനാഷണൽ എക്സ്പീരിയൻസ് കാനഡ (IEC)-യുടെ ഏറ്റവും പുതിയ നറുക്കെടുപ്പിൽ സ്ഥിരതാമസത്തിന് അപേക്ഷിക്കാൻ (ITA) 1,914 ഉദ്യോഗാർത്ഥികൾക്ക് വർക്ക് പെർമിറ്റ് ഇൻവിറ്റേഷൻ നൽകി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ഇതോടെ ഈ വർഷം IEC 2025 സീസൺ നറുക്കെടുപ്പിൽ ഇൻവിറ്റേഷൻ ലഭിച്ച അപേക്ഷകരുടെ എണ്ണം 65,267 ആയി. IEC-യുടെ വർക്കിങ് ഹോളിഡേ വീസ, യങ് പ്രൊഫഷണലുകൾ, ഇൻ്റർനാഷണൽ കോ-ഓപ്പ് (ഇൻ്റേൺഷിപ്പ്) എന്നീ വിഭാഗങ്ങളലെ യോഗ്യരായ 35 രാജ്യങ്ങളിൽ നിന്നുള്ള അപേക്ഷകർക്കാണ് വർക്ക് പെർമിറ്റിനായി (ITA) അപേക്ഷിക്കാൻ ഇൻവിറ്റേഷൻ നൽകിയത്.

IEC-യുടെ ഏറ്റവും വലിയ വിഭാഗമായ വർക്കിങ് ഹോളിഡേ വീസ വിഭാഗത്തിൽ 1695 അപേക്ഷകർക്ക് ഓപ്പൺ വർക്ക് പെർമിറ്റ് ഇൻവിറ്റേഷൻ നൽകി. യങ് പ്രൊഫഷണൽ വിഭാഗത്തിൽ 131 ക്ലോസ്ഡ് വർക്ക് പെർമിറ്റ് അപേക്ഷകർക്ക് ഇൻവിറ്റേഷൻ നൽകിയപ്പോൾ IEC-യുടെ ഏറ്റവും ചെറിയ വിഭാഗമായ ഇൻ്റർനാഷണൽ കോ-ഓപ്പ് (ഇൻ്റേൺഷിപ്പ്) വിഭാഗത്തിൽ 88 അപേക്ഷകർക്കും ഐആർസിസി ഇൻവിറ്റേഷൻ നൽകി.