ന്യൂയോർക്ക്: സുരക്ഷാ കാരണങ്ങളാൽ യുഎസ്, മെക്സിക്കോ, കാനഡ എന്നിവിടങ്ങളിൽ വിറ്റ പത്ത് ലക്ഷത്തിലധികം ഇഗ്ലൂ കൂളറുകൾ തിരിച്ചുവിളിച്ചു. ഇഗ്ലൂ 90 ക്യുടി ഫ്ലിപ്പ് & ടോ റോളിങ് കൂളറുകളാണ് തിരിച്ചുവിളിച്ചത്. കൂളറിന്റെ ഹാൻഡിൽ ഉപയോക്താക്കളുടെ വിരലുകൾക്ക് മുറിവേൽപ്പിക്കാൻ കഴിയുന്ന ഒരു ടോ ഹാൻഡിൽ ഉണ്ടെന്ന് യു എസ് കൺസ്യൂമർ പ്രോഡക്റ്റ് സേഫ്റ്റി കമ്മീഷൻ (CPSC ) മുന്നറിയിപ്പിൽ പറയുന്നു.
യുഎസിൽ ഇഗ്ലൂ കൂളറുകൾ കാരണം 12 പേർക്ക് പരുക്കുകൾ റിപ്പോർട്ട് ചെയ്‌തതായി സിപിഎസ്‌സി പറഞ്ഞു. തിരിച്ചുവിളിച്ച കൂളറുകൾ 2019 മുതൽ 2025 വരെ കോസ്റ്റ്‌കോ, ടാർഗെറ്റ്, ആമസോൺ തുടങ്ങിയ പ്രമുഖ റീട്ടെയിലർമാരിൽ 80 മുതൽ 140 ഡോളർ വിലയ്ക്ക് വിറ്റഴിക്കപ്പെട്ടവയാണ്. യുഎസിൽ പത്ത് ലക്ഷത്തിലധികവും കാനഡയിൽ ഏകദേശം 47,000 വും മെക്സിക്കോയിൽ 23,000
കൂളറുകളും വിറ്റു.
അതേസമയം കൂളറുകൾ കൈവശം വച്ചിരിക്കുന്ന ഉപയോക്താക്കൾ ഉടൻ തന്നെ അവ ഉപയോഗിക്കുന്നത് നിർത്തണമെന്ന് അഭ്യർത്ഥിക്കുന്നു. കൂടാതെ സൗജന്യമായി ഹാൻഡിൽ മാറ്റുന്നതിനായി കമ്പനിയുമായി ബന്ധപ്പെടേണ്ടതാണ്.
