ഒക്ടോബറിലെ നാലാമത്തേതും ഈ ആഴ്ചയിലെ തുടർച്ചയായ മൂന്നാമത്തെയും എക്സ്പ്രസ് എൻട്രി നറുക്കെടുപ്പ് നടത്തി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ഒക്ടോബർ 16-ന് നടന്ന ഫ്രഞ്ച് ലാംഗ്വേജ് പ്രൊവിഷ്യൻസി എക്സ്പ്രസ് എൻട്രി നറുക്കെടുപ്പിലൂടെ 5,000 ഉദ്യോഗാർത്ഥികൾക്ക് സ്ഥിര താമസത്തിനായുള്ള (permanent residence) അപേക്ഷ സമർപ്പിക്കാൻ ഐആർസിസി ഇൻവിറ്റേഷൻ നൽകി. ഏറ്റവും കുറഞ്ഞ കോംപ്രഹൻസിവ് റാങ്കിങ് സിസ്റ്റം (CRS) സ്കോർ 435 ഉള്ള അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്.
ഇതോടെ 2026-ൽ കാനഡ ഇതുവരെ 62 എക്സ്പ്രസ് എൻട്രി നറുക്കെടുപ്പുകൾ പൂർത്തിയാക്കി. കനേഡിയൻ പ്രവൃത്തിപരിചയമുള്ളവർക്കും വിവിധ പ്രവിശ്യാ നോമിനികൾക്കുമാണ് ഈ വർഷം കൂടുതൽ മുൻഗണന ലഭിച്ചത്. ഈ വർഷം ഇതുവരെ ആകെ 1,43,467 ഐടിഎകൾ ഐആർസിസി നൽകിയിട്ടുണ്ട്.
