പെൻസിൽവേനിയയിലെ ഫ്രാങ്ക്ലിൻ കൗണ്ടിയിൽ അഞ്ചാംപനി (Measles) ബാധിച്ച യുവതി മരിച്ചു. വാക്സിൻ എടുക്കാതിരുന്ന ഇവർക്ക് ഹൃദയസംബന്ധമായ പ്രശ്നങ്ങളും മറ്റ് ആരോഗ്യപ്രശ്നങ്ങളും ഉണ്ടായിരുന്നു. ഇതോടെ പെൻസിൽവേനിയയിൽ ഈ വർഷം അഞ്ചാംപനി ബാധിച്ച് മരിച്ചവരുടെ എണ്ണം ആറായി.
യു.എസിൽ 1991-ന് ശേഷമുള്ള ഏറ്റവും വലിയ അഞ്ചാംപനി വ്യാപനമാണ് ഇപ്പോൾ നടക്കുന്നത്. പെൻസിൽവേനിയയിൽ മാത്രം ഇതുവരെ 1,136 കേസുകൾ റിപ്പോർട്ട് ചെയ്തിട്ടുണ്ട്. രാജ്യത്താകമാനം നാലായിരത്തിലധികം ആളുകൾക്ക് രോഗം ബാധിച്ചിട്ടുണ്ട്. വാക്സിനേഷൻ നിരക്ക് കുറഞ്ഞതാണ് രോഗം പടരാൻ കാരണമായത്. അതേസമയം വീടുകളിലെത്തിയും താൽക്കാലിക ക്യാമ്പുകൾ വഴിയും ജനങ്ങൾക്ക് വാക്സിൻ നൽകാനുള്ള ശ്രമങ്ങൾ അധികൃതർ ശക്തമാക്കിയിട്ടുണ്ട്.
