കൊല്ലം ചാത്തന്നാംകുളം താഹാമുക്കിൽ പൂജാ സ്റ്റോർ നടത്തിവന്നിരുന്ന 55കാരനായ ഹരീന്ദ്രൻ പിള്ള വീടിന്റെ പിൻവശത്ത് സ്വയം ചിതയൊരുക്കി അതിൽ ചാടി മരിച്ചു. സംഭവസമയം വീട്ടിൽ മറ്റാരും ഉണ്ടായിരുന്നില്ല. രാവിലെ പതിനൊന്നു മണിയോടെയാണ് ഈ ദാരുണ സംഭവം നടന്നത്.
വീടിന്റെ പിൻഭാഗത്തുനിന്ന് പുക ഉയരുന്നത് കണ്ട് അയൽവാസികൾ ഓടിയെത്തിയെങ്കിലും, അപ്പോഴേക്കും ഹരീന്ദ്രൻ പിള്ള വെന്തുമരിച്ചിരുന്നു. വിവരമറിഞ്ഞ് കിളികൊല്ലൂർ പോലീസ് സ്ഥലത്തെത്തി ഇൻക്വസ്റ്റ് നടപടികൾ സ്വീകരിച്ചിട്ടുണ്ട്. ആത്മഹത്യയുടെ യഥാർത്ഥ കാരണം എന്താണെന്ന് വ്യക്തമല്ലെങ്കിലും, അദ്ദേഹം ഭാര്യയുമായി അകൽച്ചയിലായിരുന്നുവെന്നാണ് പുറത്തുവരുന്ന വിവരം.
