യൂട്യൂബിലൂടെ പ്രധാനമന്ത്രി മാർക്ക് കാർണിക്കെതിരെ വധഭീഷണി മുഴക്കിയ കാൽഗറി സ്വദേശിയെ അറസ്റ്റ് ചെയ്തതായി റോയൽ കനേഡിയൻ മൗണ്ടഡ് പോലീസ് അറിയിച്ചു. കാൽഗറി സ്വദേശിയായ 31 വയസ്സുള്ള ജാമി ഡാകോസ്റ്റയാണ് കേസിൽ അറസ്റ്റിലായത്. ഇയാൾ യൂട്യൂബിൽ പോസ്റ്റ് ചെയ്ത വിഡിയോയിൽ “കാനഡയുടെ പ്രധാനമന്ത്രി മാർക്ക് കാർണി”യെ വധിക്കുമെന്ന് ഭീഷണിപ്പെടുത്തുകയായിരുന്നു.

ക്രിമിനൽ കോഡിലെ സെക്ഷൻ 264.1(1)(a) പ്രകാരം അറസ്റ്റിലായ ജാമി ഡാകോസ്റ്റ റിമാൻഡിലാണ്. ഇയാളെ സെപ്റ്റംബർ 15-ന് കാൽഗറിയിലെ ആൽബർട്ട കോർട്ട് ഓഫ് ജസ്റ്റിസിൽ ഹാജരാക്കും.