പോളണ്ടിൽ ജോലിക്കിടെ കുഴഞ്ഞ് വീണ് മലയാളി യുവാവ് മരിച്ചു. ചെങ്ങമനാട് പറമ്പയം മടത്തിമൂല തോപ്പുകടവിൽ സുബൈറിന്‍റെ മകൻ ആദിലാണ് (23) മരിച്ചത്. ഉപരി പഠനത്തിനായി മൂന്നര വർഷം മുൻപാണ് ആദിൽ പോളണ്ടിലെത്തിയത്.
പഠനത്തിനൊപ്പം പാർട്ട് ടൈം ജോലി ചെയ്ത് വരുന്നതിനിടെ ഓഗസ്റ്റ് 28-ന് രാത്രി ആദിൽ കുഴഞ്ഞ് വീഴുകയായിരുന്നു. അടുത്ത ദിവസം മരിച്ചു. വീട്ടുകാരുടെ സമ്മതപ്രകാരം പോളണ്ടിൽ കബറടക്കം നടത്തി. മാതാവ്: പുറയാർ മണപ്പാടത്ത് ബുഷ്റ. സഹോദരങ്ങൾ: ആഷിക്ക്, ആഷ്ന.
