യോഗ്യരായ പൗരന്മാർക്ക് നൽകുന്ന 100 ഡോളറിൻ്റെ എനർജി റിബേറ്റിനായി സെപ്റ്റംബർ 30 അപേക്ഷിക്കാമെന്ന് ആൽബർട്ട സർക്കാർ അറിയിച്ചു. ഊർജ്ജ നിരക്കുകളിലുമുണ്ടായ വർധന മൂലം പ്രതിസന്ധിയിലായ പ്രവിശ്യാ നിവാസികൾക്ക് ആശ്വാസമേകുക എന്ന ലക്ഷ്യത്തോടെയാണ് സർക്കാർ ഈ പദ്ധതി നടപ്പിലാക്കിയത്. പ്രവിശ്യയിലെ മൂന്ന് ദശലക്ഷത്തിലധികം നിവാസികൾക്ക് ഈ പദ്ധതിയുടെ പ്രയോജനം നേരിട്ട് ലഭ്യമാകും.
18 വയസ്സ് പൂർത്തിയായവരും ആൽബർട്ടയിൽ സ്ഥിരതാമസക്കാരുമായ വ്യക്തികൾക്കാണ് ഈ ധനസഹായത്തിന് അർഹതയുള്ളത്. വ്യക്തിഗത വരുമാനം 1,80,000 ഡോളറോ അതിൽ കുറവോ ഉള്ളവർക്ക് പോർട്ടൽ വഴി നേരിട്ട് അപേക്ഷ സമർപ്പിക്കാം. അതേസമയം, പ്രവിശ്യാ സർക്കാറിൻ്റെ ആൽബർട്ട സീനിയേഴ്സ് ബെനിഫിറ്റ്, ഭിന്നശേഷിക്കാർക്കുള്ള സാമ്പത്തിക ആനുകൂല്യം എന്നിവ കൈപ്പറ്റുന്നവർക്ക് അപേക്ഷ സമർപ്പിക്കാതെ തന്നെ തുക ബാങ്ക് അക്കൗണ്ടുകളിലേക്ക് നേരിട്ട് ലഭിക്കുന്നതാണ്.
യോഗ്യരായ എല്ലാ പൗരന്മാരും സെപ്റ്റംബർ 30 മുമ്പായി സർക്കാറിൻ്റെ ഔദ്യോഗിക ഡിജിറ്റൽ പോർട്ടൽ വഴി വിവരങ്ങൾ രേഖപ്പെടുത്തി അപേക്ഷ സമർപ്പിക്കണമെന്ന് അധികൃതർ അഭ്യർത്ഥിച്ചു. അപേക്ഷകൾ പരിശോധിച്ച് പ്രോസസ്സിങ് പൂർത്തിയാകുന്ന മുറയ്ക്ക് ഡയറക്ട് ഡെപ്പോസിറ്റ് വഴിയോ ഇ-ട്രാൻസ്ഫർ വഴിയോ തുക അക്കൗണ്ടിൽ ലഭ്യമാകും.
