എക്സ്പ്രസ് എൻട്രി സിസ്റ്റം വഴി സ്ഥിരതാമസത്തിന് (ITA) അപേക്ഷിക്കാൻ കൂടുതൽ ഉദ്യോഗാർത്ഥികൾക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. ഐആർസിസി-യുടെ ഏറ്റവും പുതിയ ട്രാൻസ്പോർട്ടേഷൻ കാറ്റഗറിയിൽ നിന്നുള്ള 300 അപേക്ഷകർക്കാണ് ഓഗസ്റ്റ് 7-ന് നടന്ന നറുക്കെടുപ്പിൽ ഇൻവിറ്റേഷൻ ലഭിച്ചത്. 470 CRS സ്കോർ ഉള്ള അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്.
ട്രാൻസ്പോർട്ടേഷൻ കാറ്റഗറിയിലെ ആദ്യ എക്സ്പ്രസ് എൻട്രി നറുക്കെടുപ്പ് എന്ന പ്രത്യേകതയും ഈ നറുക്കെടുപ്പിനുണ്ട്. ഇതോടെ, IRCC 2026 ൽ 46 എക്സ്പ്രസ് എൻട്രി നറുക്കെടുപ്പുകൾ നടത്തുകയും മൊത്തം 113,423 അപേക്ഷകർക്ക് ഇൻവിറ്റേഷൻ നൽകുകയും ചെയ്തിട്ടുണ്ട്.
