ആൽബർട്ടയിലെ ഹൈ റിവറിൽ ചെറുവിമാനം തകർന്നു വീണ് രണ്ടു പേർക്ക് പരുക്കേറ്റു. കാൽഗറിയിൽ നിന്ന് ഏകദേശം 65 കിലോമീറ്റർ അകലെ ഫൂത്ത്ഹിൽസ് റീജിയണൽ വിമാനത്താവളത്തിൽ വെള്ളിയാഴ്ച ഉച്ചകഴിഞ്ഞ് 3:40 ഓടെയാണ് സംഭവം.
എമർജൻസി ലാൻഡിങിനിടെയാണ് ലൈറ്റ് എയർക്രാഫ്റ്റ് വിമാനം തകർന്നതെന്ന് മൗണ്ടീസും ഇ‌എം‌എസും സ്ഥിരീകരിച്ചു. വിമാനത്തിൽ രണ്ടു പേർ മാത്രമാണുണ്ടായിരുന്നത്. അപകടത്തിൽ പരുക്കേറ്റ 70 വയസ്സുള്ള ഒരാളെ കാൽഗറിയിലെ ഫൂട്ട്ഹിൽസ് മെഡിക്കൽ സെന്‍ററിൽ പ്രവേശിപ്പിച്ചു. മറ്റൊരാളെ നിസ്സാര പരുക്കുകളോടെ പ്രാദേശിക ആശുപത്രിയിൽ പ്രവേശിപ്പിച്ചു.
