അറേബ്യൻ കടലിൽ യു എസ് നാവികസേനയുടെ ഹെലികോപ്റ്റർ തകർന്നു വീണു. ബുധനാഴ്ച പുലർച്ചെയായിരുന്നു സംഭവം. ഹെലികോപ്റ്ററിലുണ്ടായിരുന്ന നാല് ജീവനക്കാരിൽ മൂന്ന് പേരെ രക്ഷപ്പെടുത്തിയതായും ഒരാളെ കാണാതായതായും യു.എസ്. നേവൽ ഫോഴ്സ് സെൻട്രൽ കമാൻഡ് അറിയിച്ചു. കാണാതായ നാലാമത്തെ സൈനികനായി തിരച്ചിൽ തുടരുകയാണ്.
യുഎസ്എസ് ജോർജ്ജ് എച്ച്ഡബ്ല്യു ബുഷ് എന്ന യുദ്ധക്കപ്പലിലെ MH-60S സീ ഹോക്ക് ഹെലികോപ്റ്ററാണ് അപകടത്തിൽപ്പെട്ടത്. രക്ഷപ്പെടുത്തിയ മൂന്ന് സൈനികരുടെ ആരോഗ്യനില തൃപ്തികരമാണ്. ഹെലികോപ്റ്റർ ശത്രുക്കളുടെ ആക്രമണത്തിൽ തകർന്നതാണെന്നതിന് സൂചനയില്ലെന്ന് സൈന്യം വ്യക്തമാക്കി.
