ഒക്ലഹോമയിൽ ജൂലൈ 1 മുതൽ പുതിയ വിദ്യാഭ്യാസ നിയമങ്ങൾ നിലവിൽ വരുന്നു. പ്രധാനമായും രണ്ട് മാറ്റങ്ങളാണ് പുതിയതായി വരുന്നത്. അധ്യാപകർക്ക് ശമ്പള വർധനയും വിദ്യാർത്ഥികൾക്ക് മൊബൈൽ ഫോൺ വിലക്കും പുതിയ മാറ്റങ്ങളിൽ ഉൾപ്പെടുന്നു.
സംസ്ഥാനത്തെ അധ്യാപകരുടെ അടിസ്ഥാന ശമ്പളത്തിൽ 2000 ഡോളറിന്റെ വർധനയാണ് നടപ്പിൽ വരുന്നത്. കൂടാതെ വിദ്യാർത്ഥികൾ ക്ലാസ് അവസാനിക്കുന്നത് വരെ മൊബൈൽ ഫോൺ ഉപയോഗിക്കുന്നതിൽ നിന്നും വിലക്ക് ഏർപ്പെടുത്തിയിട്ടുണ്ട്. വിദ്യാർത്ഥികളുടെ പഠനനിലവാരം ഉയർത്താനും അച്ചടക്കം നിലനിർത്താനും സഹായിച്ചതായി കണ്ടെത്തിയതിനെ തുടർന്നാണ് മൊബൈൽ ഫോൺ വിലക്ക് ഏർപ്പെടുത്തുന്നത്. എന്നാൽ അടിയന്തിര ഘട്ടങ്ങളിൽ ഫോൺ ഉപയോഗിക്കാൻ വിദ്യാർത്ഥികൾക്ക് അനുവാദമുണ്ടായിരിക്കും.
