ഡോക്ടർമാർക്ക് പൊതു-സ്വകാര്യ ആരോഗ്യ മേഖലകളിൽ ഒരേസമയം പ്രവർത്തിക്കാൻ അനുമതി നൽകുന്ന പുതിയ ആരോഗ്യനയം നടപ്പിലാക്കുന്നതിനുള്ള പ്രാരംഭ നടപടികൾ സെപ്റ്റംബർ മുതൽ ആരംഭിക്കുമെന്ന് ആൽബർട്ട സർക്കാർ പ്രഖ്യാപിച്ചു. ഇതിനായുള്ള അപേക്ഷകൾക് ജൂൺ 22 തിങ്കളാഴ്ച മുതൽ സമർപ്പിക്കാം. ചികിത്സയ്ക്ക് വേണ്ടിയുള്ള ദീർഘമായ കാത്തിരിപ്പ് സമയം കുറയ്ക്കാൻ പുതിയ മാതൃക സഹായിക്കുമെന്ന് ആരോഗ്യമന്ത്രി മന്ത്രി അഡ്രിയാന ലാഗ്രാഞ്ച് പറഞ്ഞു.
അതേസമയം ഡോക്ടർമാർക്ക് പൊതുമേഖലയിൽ നിശ്ചിത മണിക്കൂർ നിർബന്ധമായും ജോലി ചെയ്താൽ മാത്രമെ സ്വകാര്യ മേഖലയിൽ പ്രവർത്തിക്കാൻ അനുമതി ലഭിക്കൂ. എന്നാൽ, ഡോക്ടർമാർ എത്ര മണിക്കൂർ പൊതുമേഖലയിൽ ജോലി ചെയ്യണം എന്ന കൃത്യമായ വിവരം സർക്കാർ ഇതുവരെ പുറത്തുവിട്ടിട്ടില്ല. ഈ പദ്ധതിക്ക് കീഴിൽ വരുന്ന ഡോക്ടർമാർ സ്വകാര്യ മേഖലയിലെ ചികിത്സാ വിവരങ്ങൾ പ്രത്യേകമായി സൂക്ഷിക്കുകയും അത് സർക്കാരിന് നിർബന്ധമായും റിപ്പോർട്ട് ചെയ്യുകയും വേണം.
