2026 ലോകകപ്പിലെ തങ്ങളുടെ ആദ്യമത്സരത്തിൽ ചെക്ക് റിപ്പബ്ലിക്കിനെ വീഴ്ത്തി ഏഷ്യൻ വമ്പന്മാരായ ദക്ഷിണ കൊറിയ. ഒരു ഗോളിന് പിന്നിലായ കൊറിയ ഒന്നിനെതിരേ രണ്ടുഗോളുകള്‍ക്കാണ് വിജയം സ്വന്തമാക്കിയത്. യോഗ്യതാ മത്സരങ്ങളിൽ തോൽവിയറിയാതെ മുന്നേറിയ കൊറിയ ഗ്രൂപ്പ് എയിലെ രണ്ടാം മത്സരത്തില്‍ ആക്രമണ ഫുട്‌ബോളാണ് കാഴ്ചവെച്ചത്.
ഗോൾരഹിത ഒന്നാം പകുതിക്ക് ശേഷം മത്സരത്തിന്‍റെ 59-ാം മിനിറ്റിൽ ലാഡിസ്‌ലാവ് ക്രെഷിയിലൂടെ ചെക്ക് റിപ്പബ്ലിക്ക് മുന്നിലെത്തി. തുടർന്ന് ആക്രമിച്ച് കളിച്ച കൊറിയ 66-ാം മിനിറ്റിൽ ഹ്വാങ് ഇൻ-ബിയോം, 80–ാം മിനിറ്റിൽ ഓ ഹ്യുങ്-ഗ്യു എന്നിവരുടെ ഗോളിലൂടെ വിജയവും മൂന്ന് പോയിന്റും സ്വന്തമാക്കി.
