ഏറ്റവും പുതിയ എക്സ്പ്രസ് എൻട്രി നറുക്കെടുപ്പിൽ കൂടുതൽ ഫ്രഞ്ച് ഭാഷാ പ്രാവീണ്യമുള്ളവർക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. മെയ് 28 ന് നടന്ന ഫ്രഞ്ച് ലാംഗ്വേജ് പ്രൊവിഷ്യൻസി എക്സ്പ്രസ് എൻട്രി നറുക്കെടുപ്പിൽ 4500 ഉദ്യോഗാർത്ഥികൾക്ക് കൂടി സ്ഥിരതാമസത്തിനുള്ള ഇൻവിറ്റേഷൻ ലഭിച്ചു. ഫ്രഞ്ച് ഭാഷാ വിഭാഗത്തിൽ മാത്രം ഈ വർഷം നടക്കുന്ന ആറാമത്തെ നറുക്കെടുപ്പാണിത്. ഇതോടെ 2026-ൽ ഈ വിഭാഗത്തിലൂടെ ഇൻവിറ്റേഷൻ ലഭിച്ചവരുടെ ആകെ എണ്ണം 30,500 ഉയർന്നു. ഈ നറുക്കെടുപ്പിൽ [പരിഗണിക്കാൻ ഉദ്യോഗാർത്ഥികൾക്ക് കുറഞ്ഞത് 409 സി.ആർ.എസ് സ്കോർ ആവശ്യമായിരുന്നു.
കാനഡ പ്രധാനമായും രാജ്യത്തിനുള്ളിൽ പ്രവൃത്തിപരിചയമുള്ളവർക്കും പ്രൊവിൻഷ്യൽ നോമിനേഷൻ ഉള്ളവർക്കുമാണ് മുൻഗണന നൽകുന്നതെങ്കിലും കാറ്റഗറി അടിസ്ഥാനത്തിലുള്ള നറുക്കെടുപ്പുകളിൽ ഫ്രഞ്ച് ഭാഷാ പ്രാവീണ്യമുള്ളവർക്ക് വൻ അവസരങ്ങളാണ് ലഭിച്ചുകൊണ്ടിരിക്കുന്നത്. നിലവിലെ കണക്കുകൾ പ്രകാരം കാനഡയിലേക്ക് കുടിയേറാൻ ആഗ്രഹിക്കുന്നവർക്ക് ഫ്രഞ്ച് ഭാഷാ പഠനം വലിയൊരു സാധ്യതയാണ് തുറക്കുന്നത്. മറ്റ് പ്രോഗ്രാമുകളെ അപേക്ഷിച്ച് കുറഞ്ഞ സി.ആർ.എസ് സ്കോറിലും സ്ഥിരതാമസം ഉറപ്പാക്കാൻ ഈ വിഭാഗം സഹായിക്കുന്നു എന്നത് ഉദ്യോഗാർത്ഥികൾക്ക് വലിയ പ്രതീക്ഷ നൽകുന്നു.
