ഒൻ്റാരിയോ ലിബറൽ പാർട്ടി നേതൃസ്ഥാനം രാജിവച്ച് ബോണി ക്രോംബി. ബുധനാഴ്ച പുറത്തിറക്കിയ ഔദ്യോഗിക പ്രസ്താവനയിലാണ് രാജി പ്രഖ്യാപനം. ഏറെ ആലോചനകൾക്ക് ശേഷമാണ് ഇത്തരമൊരു തീരുമാനമെടുത്തതെന്നും തനിക്കും പാർട്ടിക്കും മുന്നോട്ട് പോകാൻ ഏറ്റവും അനുയോജ്യമായ സമയമാണിതെന്നു വിശ്വസിക്കുന്നതായും ബോണി ക്രോംബി പറഞ്ഞു. പാർട്ടിയെ നവീകരിക്കുന്നതിനായി ഇതുവരെ നൽകിയ സംഭാവനകളിൽ താൻ അങ്ങേയറ്റം അഭിമാനിക്കുന്നുവെന്നും ദീർഘമായ ആലോചനകൾക്ക് ശേഷമാണ് ഈ തീരുമാനമെടുത്തതെന്നും അവർ കൂട്ടിച്ചേർത്തു. കുടുംബത്തോടൊപ്പം കൂടുതൽ സമയം ചെലവഴിക്കാനാണ് താൻ ആഗ്രഹിക്കുന്നതെന്നും ബോണി ക്രോംബി പറഞ്ഞു. സെപ്റ്റംബറിൽ പുതിയ നേതാവിനെ കണ്ടെത്തും വരെ തുടരുമെന്ന് ബോണി ക്രോംബി അറിയിച്ചിരുന്നു.
മിസ്സിസാഗ മുൻ മേയറായിരുന്ന ബോണി ക്രോംബി 2023-ലാണ് ലിബറൽ പാർട്ടിയുടെ നേതൃത്വമേറ്റെടുത്തത്. കഴിഞ്ഞ വർഷത്തെ തിരഞ്ഞെടുപ്പ് പരാജയത്തിന് പിന്നാലെ പാർട്ടിയിൽ നേതൃമാറ്റത്തിനായി സമ്മർദ്ദം ശക്തമായിരുന്നു.
