കാൽഗറിയിൽ താപനില റെക്കോർഡ് ഭേദിച്ചതായി റിപ്പോർട്ട്. ബുധനാഴ്ച രാവിലെ 8 മണിക്ക് തന്നെ താപനില 12.6 ഡിഗ്രി സെൽഷ്യസിൽ എത്തിയതോടെ 2004-ൽ രേഖപ്പെടുത്തിയ 11.2 ഡിഗ്രി സെൽഷ്യസ് എന്ന റെക്കോർഡ് തകർക്കപ്പെട്ടു. വരും ആഴ്ചകളിലും ഈ അസാധാരണമായ കാലാവസ്ഥ തുടരാനാണ് സാധ്യത. സാധാരണ നിലയിൽ ഈ സീസണിലെ താപനില മൈനസ് 3 ഡിഗ്രി മുതൽ മൈനസ് 15 ഡിഗ്രി വരെയാണ് ഉണ്ടാകാറുള്ളത്.
വ്യാഴം, വെള്ളി ദിവസങ്ങളിൽ താപനില 4 ഡിഗ്രി സെൽഷ്യസിലേക്ക് താഴ്ന്നേക്കാം. എന്നാൽ വാരാന്ത്യത്തോടെ താപനില വീണ്ടും ഉയരാൻ സാധ്യതയുണ്ട്. ശനിയാഴ്ച താപനില 13 ഡിഗ്രി സെൽഷ്യസിലേക്ക് എത്തിയേക്കുമെന്ന് എൻവയൺമെന്റ് കാനഡയുടെ റിപ്പോർട്ടുകൾ സൂചിപ്പിക്കുന്നു. ഞായറാഴ്ചയോടെ താപനില 6 ഡിഗ്രി സെൽഷ്യസിലേക്ക് കുറഞ്ഞേക്കാം.
