വാഷിംഗ്ടൺ: അമേരിക്കൻ ഐക്യനാടുകളിൽ ജനിക്കുന്ന ആർക്കും പൗരത്വം ഉറപ്പാക്കുന്ന ‘ജനനത്തിലുള്ള പൗരത്വം’ (Birthright Citizenship) എന്ന ഭരണഘടനാപരമായ അവകാശം പരിമിതപ്പെടുത്താനുള്ള പ്രസിഡന്റ് ഡൊണാൾഡ് ട്രംപിന്റെ വിവാദപരമായ പദ്ധതിയുടെ നിയമസാധുത സുപ്രീം കോടതി പരിശോധിക്കും.
പതിനാലാം ഭരണഘടനാ ഭേദഗതി പ്രകാരം നിലവിലുള്ള ഈ നിയമം, യു.എസിൽ ജനിക്കുന്ന എല്ലാവർക്കും പൗരത്വം നൽകുന്നു. എന്നാൽ, യു.എസ്. പൗരനോ സ്ഥിര താമസക്കാരനോ ആയ മാതാപിതാക്കൾക്ക് ജനിക്കുന്നവർക്ക് മാത്രമായി പൗരത്വം പരിമിതപ്പെടുത്താനാണ് ട്രംപ് ഭരണകൂടം ശ്രമിക്കുന്നത്. പ്രധാനപ്പെട്ട ഈ വിധി അടുത്ത വർഷം ജൂൺ അവസാനത്തോടെ ഉണ്ടാകുമെന്നാണ് പ്രതീക്ഷിക്കുന്നത്.
