ഏറ്റവും പുതിയ എക്സ്പ്രസ് എൻട്രി നറുക്കെടുപ്പിൽ പ്രൊവിൻഷ്യൽ നോമിനി പ്രോഗ്രാമിന് കീഴിൽ സ്ഥിര താമസത്തിനായി അപേക്ഷിക്കുന്നതിനു 777 ഉദ്യോഗാർത്ഥികൾക്ക് ഇൻവിറ്റേഷൻ നൽകി. ഏപ്രിൽ 14-ന് 825 അപേക്ഷകർക്ക് ഇൻവിറ്റേഷൻ നൽകിയതിന് ശേഷം നടക്കുന്ന ഏറ്റവും വലിയ PNP-എക്സ്പ്രസ് എൻട്രി നറുക്കെടുപ്പ് കൂടിയായിരുന്നു ഇത്. 699 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ള അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്.
നവംബർ മാസം നടക്കുന്ന നാലാമത്തെ എക്സ്പ്രസ് എൻട്രി നറുക്കെടുപ്പാണ് ഇന്ന് നടന്നത്. നവംബർ 10 ന് PNP നറുക്കെടുപ്പും, നവംബർ 12 ന് കനേഡിയൻ എക്സ്പീരിയൻസ് ക്ലാസ് (CEC) നറുക്കെടുപ്പും, തുടർന്ന് നവംബർ 14 ന് ഹെൽത്ത് കെയർ വിഭാഗം നറുക്കെടുപ്പും നടന്നിരുന്നു. ഇതുവരെ, IRCC 2025 ൽ എക്സ്പ്രസ് എൻട്രി സിസ്റ്റം വഴി 87,476 ITAകൾ നൽകിയിട്ടുണ്ട്.
