കാൽഗറിയിലെ വാടക നിരക്കുകൾ ഇപ്പോൾ മിനിമം വേതനം വാങ്ങുന്നവർക്ക് താങ്ങാൻ കഴിയുന്നതിൻ്റെ ഇരട്ടിയിലധികമെന്ന് റിപ്പോർട്ട്. കുറഞ്ഞ വേതനക്കാർക്ക് താങ്ങാനാകും വിധം വാടകച്ചെലവുകൾ പിടിച്ചു നിർത്താൻ കാനഡയിലെ 51 നഗരങ്ങൾ പ്രയാസപ്പെടുന്നുണ്ടെന്നാണ് Zoocasa-യുടെ പുതിയ റിപ്പോർട്ട് സൂചിപ്പിക്കുന്നത്.
വരുമാനത്തിൻ്റെ 32 ശതമാനത്തിൽ കൂടുതൽ വീടിനായി ചെലവഴിക്കരുതെന്ന നിർദ്ദേശവും റിപ്പോർട്ട് മുന്നോട്ട് വയ്ക്കുന്നുണ്ട്. ഭക്ഷണം, യാത്ര, സമ്പാദ്യം, അത്യാവശ്യ സാഹചര്യങ്ങൾ എന്നിവയ്ക്കായി പണം മിച്ചം വെക്കാൻ വേണ്ടിയാണ് ഇത്. എന്നാൽ മിനിമം വേതനം മാത്രം നേടുന്ന കാനഡയിൽ താമസിക്കുന്ന പലർക്കും ഇത് സാധ്യമല്ല. Calgary-യിൽ, ഒരു ബെഡ്റൂം അപ്പാർട്ട്മെൻ്റിൻ്റെ ശരാശരി വാടക പ്രതിമാസം $1,675 ആണ്. Alberta-യിലെ മിനിമം വേതനം ഇപ്പോഴും മണിക്കൂറിന് $15 ആണ്, ഇത് രാജ്യത്ത് ഏറ്റവും കുറഞ്ഞ വേതനമാണ്. 32 ശതമാനം നിയമം പാലിക്കുന്നതിന്, Calgary-ക്കാർക്ക് മണിക്കൂറിന് ഏകദേശം $32.21 വേതനം ആവശ്യമാണ്.
എഡ്മൻ്റണിൽ, ശരാശരി വാടക $1,386 ആണ്, ഈ നിയമം അനുസരിച്ച് മണിക്കൂറിന് $26.65 വേതനം വേണ്ടിവരും. ലെത് ബ്രിഡ്ജ്, മെഡിസിൻ ഹാറ്റ് പോലുള്ള ചെറിയ നഗരങ്ങളും ഇതേ വെല്ലുവിളി നേരിടുന്നു. ടൊറൻ്റോ, വാൻകൂവർ, നോർത്ത് വാൻകൂവർ തുടങ്ങിയ നഗരങ്ങളിലും വാടക ചെലവുകൾക്ക് അനുസൃതമായി വേതന വർദ്ധന ആവശ്യമാണെന്നാണ് വിലയിരുത്തൽ.
