ടൊറൻ്റോയിൽ നിന്ന് ഇന്ത്യയിലെ അമൃത്സറിലേക്കുള്ള സർവീസുകൾ നിർത്തിവച്ച് സ്വകാര്യ ഇറ്റാലിയൻ എയർലൈൻസ് നിയോസ്. രാഷ്ട്രീയ അസ്ഥിരതയും ബുക്കിങ്ങിലെ കുറവും കാരണമാണ് ഇത്തരമൊരു നടപടിയെന്ന് എയർലൈൻ അറിയിച്ചു.ഇന്ത്യയിലെ പഞ്ചാബ് സംസ്ഥാനത്തെ രണ്ടാമത്തെ വലിയ നഗരമായ അമൃത്സറിലേക്ക് ടൊറൻ്റോയിൽ നിന്ന് ആഴ്ചതോറുമായിരുന്നു എയർലൈൻ സർവീസ് നടത്തിയിരുന്നു.
സർവീസ് അവസാനിപ്പിച്ച സാഹചര്യത്തിൽ ബുദ്ധിമുട്ടേണ്ടി വന്ന യാത്രക്കാർക്ക് റീഫണ്ട് നൽകും. www.neosair.com വഴി നേരിട്ട് ബുക്ക് ചെയ്തവർക്ക് വിശദമായ റീഫണ്ട് നിർദ്ദേശങ്ങളടങ്ങിയ ഇമെയിൽ ലഭിക്കും. അതേസമയം ട്രാവൽ ഏജൻസി വഴി ബുക്ക് ചെയ്ത ഉപഭോക്താക്കൾ അവരുടെ ഏജന്റുമായി നേരിട്ട് ബന്ധപ്പെടണമെന്നും കമ്പനി അറിയിച്ചു.
