ഓട്ടവ: അഞ്ചാം നാഷണൽ ഡേ ഫോർ ട്രൂത്ത് ആൻഡ് റീകൺസീലിയേഷൻ ആചരിച്ച് കാനഡ. പാർലമെൻ്റ് ഹില്ലിൽ നടന്ന ചടങ്ങിൽ ഗവർണർ ജനറൽ മേരി സൈമൺ ജനങ്ങളെ അഭിസംബോധന ചെയ്തു. സ്വദേശികൾക്ക് വിദ്യാഭ്യാസത്തിലും സംസ്കാര സംരക്ഷണത്തിലും പുരോഗതി ഉണ്ടായിട്ടുണ്ടെങ്കിലും അസമത്വങ്ങൾ ഇപ്പോഴും തുടരുന്നുവെന്ന് അവർ പറഞ്ഞു. സമാധാനത്തിനും നീതിക്കും വേണ്ടിയുള്ള പ്രതിജ്ഞ പുതുക്കണമെന്ന് സൈമൺ കാനഡക്കാരോട് ആഹ്വാനം ചെയ്തു.
നമ്മുടെ സ്കൂളുകൾ എല്ലാവരെയും ഉൾക്കൊള്ളുന്ന ചരിത്രം പഠിപ്പിക്കാൻ തുടങ്ങിയിരിക്കുന്നു, സ്വദേശി കുട്ടികൾക്ക് സ്വന്തം സംസ്കാരവും പാരമ്പര്യഭാഷകളും അഭിമാനത്തോടെ പഠിക്കാനാകുന്നു എന്നും അവർ പറഞ്ഞു. എന്നാൽ അസമത്വങ്ങളും അടിസ്ഥാന സേവനങ്ങളുടെ അഭാവവും ഇന്നും സ്വദേശികൾ നേരിടുന്നുവെന്നും അവർ ചൂണ്ടിക്കാട്ടി. കാനഡക്കാർ എല്ലാവരും “സമാധാനത്തിനും നീതിക്കും വേണ്ടിയുള്ള പ്രതിജ്ഞ പുതുക്കണം എന്ന് ഗവർണർ ആഹ്വാനം ചെയ്തു. ദേശീയ ദിനാഘോഷത്തോട് അനുബന്ധിച്ച് രാജ്യത്തുടനീളം സ്വദേശി വിഭാഗങ്ങളുടെ നേതൃത്വത്തിൽ വിവിധ ചടങ്ങുകളും സ്മരണാപരിപാടികളോടും നടന്നു.
