മിഷിഗൻ മോർമോൺ സഭയുടെ പള്ളിയിലുണ്ടായ വെടിവെപ്പിൽ രണ്ടു പേർ മരിച്ചു. ഒന്പത് പേര്ക്ക് പരുക്കേറ്റു. നോര്ത്ത് ദട്രോയിറ്റില് നിന്ന് അന്പത് മൈല് അകലെ ഗ്രാന്ഡ് ബ്ലാങ്കിലുള്ള പള്ളിയിലാണ് വെടിവെപ്പ് നടന്നത്. വെടിവെച്ച ശേഷം അക്രമി പള്ളിയ്ക്ക് തീയിട്ടു. അക്രമി നാല്പത് വയസ്സുള്ള ബര്ട്ടണ് സ്വദേശിയെ വധിച്ചതായി മിഷിഗൻ പൊലീസ് പറഞ്ഞു.
പള്ളിയില് പ്രാര്ത്ഥനയ്ക്കിടെയായിരുന്നു സംഭവം. പള്ളിയിലേക്ക് വാഹനം ഓടിച്ചെത്തിയ അക്രമി അപ്രതീക്ഷിതമായി വെടിയുതിര്ത്തുകയായിരുന്നു. ഇതിന് പിന്നാലെ ഇയാള് പള്ളിക്ക് തീയിട്ടു. സംഭവത്തില് പ്രതികരിച്ച് പ്രസിഡന്റ് ഡോണള്ഡ് ട്രംപ് രംഗത്തെത്തി. സാഹചര്യം വിലയിരുത്തിയെന്നും എഫ്ബിഐ സംഘം ഉടനടി സ്ഥലത്തെത്തിയെന്നും ട്രംപ് പറഞ്ഞു. പ്രാദേശിക നേതൃത്വത്തിന് എല്ലാവിധ പിന്തുണയും നല്കും, ട്രംപ് കൂട്ടിച്ചേര്ത്തു.
