ചൈനയുമായി വ്യാപാരബന്ധം മെച്ചപ്പെടുത്താനുള്ള ശ്രമങ്ങൾ നടത്തുമ്പോൾ കാനഡ ജാഗ്രത പാലിക്കണമെന്ന് എൻഡിപി എംപി ജെന്നി ക്വാൻ. കാനഡയുടെ പരമാധികാരവും ജനാധിപത്യവും സംരക്ഷിച്ച് മാത്രമേ മുന്നോട്ട് പോകാവൂ എന്നും അവർ പറഞ്ഞു. ചൈനയുടെ വിദേശ ഇടപെടലുകൾക്ക് ഇരയായ ഒരാളാണ് ജെന്നി ക്വാൻ. കാനഡയുടെ ജനാധിപത്യ സ്ഥാപനങ്ങളിൽ ഏറ്റവും കൂടുതൽ വിദേശ ഇടപെടൽ നടത്തിയത് ചൈനയാണെന്ന് ഫെഡറൽ സർക്കർ നടത്തിയ പൊതു അന്വേഷണം കണ്ടെത്തിയിരുന്നു.
പ്രധാനമന്ത്രി മാർക്ക് കാർണി യുഎന്നിൽ വെച്ച് ചൈനീസ് പ്രധാനമന്ത്രിയുമായി നടത്തിയ കൂടിക്കാഴ്ചയെ “സഹകരണപരമായിരുന്ന” എന്ന് വിശേഷിപ്പിച്ചിരുന്നു. കൂടാതെ, കനേഡിയൻ കനോലയുടെ ഇറക്കുമതിക്ക് ഏർപ്പെടുത്തിയ നികുതികൾ പിൻവലിക്കാൻ, സസ്കാച്വാൻ പ്രീമിയർ സ്കോട്ട് മോയുമായി ചേർന്ന് പ്രധാനമന്ത്രിയുടെ പാർലമെന്ററി സെക്രട്ടറി കോഡി ബ്ലോയിസ് അടുത്തിടെ ചൈന സന്ദർശിച്ചിരുന്നു.
