നേതൃത്വ മത്സരത്തിനൊരുങ്ങി ബി.സി. ഗ്രീൻ പാർട്ടി. സെപ്റ്റംബർ 24 ബുധനാഴ്ച നടക്കുന്ന നേതൃത്വമത്സരത്തിൽ മൂന്ന് മത്സരാർത്ഥികളാണുള്ളത്. മുൻ യുവിഐസി വിദ്യാർത്ഥിനിയും പരിസ്ഥിതി പ്രവർത്തക എമിലി ലോവൻ, മുനിസിപ്പൽ കൗൺസിലർ ജോനഥൻ കെർ, ആദം ബ്രെംനർ-അകിൻസ് എന്നിവരാണ് മുൻ ലീഡർ സോണിയ ഫർസ്റ്റെനോയുടെ സ്ഥാനത്തേക്ക് മത്സരിക്കുന്നത്. വിജയി സെപ്റ്റംബർ 25-ന് വിക്ടോറിയയിൽ നടക്കുന്ന യുബിസിഎം യോഗത്തിൽ അണികളെ അഭിസംബോധന ചെയ്ത് സംസാരിക്കും.
