ചാർളി കിർക്കിന്റെ കൊലപാതകക്കേസിലെ പ്രതി പിടിയിലായതായി യുഎസ് പ്രസിഡന്റ് ഡോണൾഡ് ട്രംപ് അറിയിച്ചു. കൊലപാതകം നടന്നതിന് പിന്നാലെ നടത്തിയ അന്വേഷണത്തിലാണ് പ്രതി പിടിയിലായത്. പ്രതിയുടെ അടുത്ത ബന്ധുവിൽ നിന്നാണ് പൊലീസിന് നിർണായക വിവരങ്ങൾ ലഭിച്ചത്. പിന്നീട്, പ്രതിയുടെ പിതാവ് മകനെ കീഴടങ്ങാൻ പ്രേരിപ്പിക്കുകയും യുഎസ് മാർഷലിനെ സമീപിക്കുകയും ചെയ്തു. 28 അല്ലെങ്കിൽ 29 വയസ്സുള്ള യുവാവാണ് പ്രതിയെന്നും ട്രംപ് വ്യക്തമാക്കി. വേഗത്തിലുള്ള വിചാരണ ഉറപ്പാക്കുമെന്നും പ്രതിക്ക് വധശിക്ഷ ലഭിക്കുമെന്ന് പ്രതീക്ഷിക്കുന്നതായും ട്രംപ് കൂട്ടിച്ചേർത്തു.
പ്രതിയുടെ പേരോ മറ്റ് വിവരങ്ങളോ പുറത്തുവിട്ടിട്ടില്ല. അറസ്റ്റിനെക്കുറിച്ചുള്ള കൂടുതൽ വിവരങ്ങൾ ഉടൻ പുറത്തുവിടുമെന്നും അദ്ദേഹം അറിയിച്ചു.
